床戰時間長短對性生活滿足度有莫大關係，最近有調查訪問咗英倫三島嘅男女，發現威爾斯人平均花4分鐘做愛。男士們希望可以享受到女伴嘅口舌服務，咁事前要令女伴感到舒適至得。男人一向急色，喺第一次約會雖然亦未至於諗住同對方上床，但係都想攬攬抱抱，咁點先可以增加攬抱嘅機會呢？
好多香港女仔都鍾意同外國男仔拍拖，認為佢哋高大靚仔，而且同佢哋拍拖有種高人一等嘅感覺。我唔會話外國嘅月亮特別圓，亦唔介意發展異地戀情，之不過，同外國男仔拍拖，特別係英倫三島嘅男仔，女仔們就要三思，唔信？睇吓最近由英國網站VoucherCodesPro.co.uk進行嘅調查喇！網站早前喺英倫三島多個地方訪問咗2,374名年過18歲嘅男女，以了解一下佢哋嘅上床習性，結果發現西米德蘭茲人士為床戰所花費嘅時間，為12個地區同國家之中最長，平均時間達到1小時17分鐘，其次就係英國東部，時間為1小時8分鐘，第三則係西南部，時間係1小時1分鐘。至於時間最短嘅係威爾斯人，佢哋平均只係會用4分鐘嚟做愛，我哋成日話「搞掂，食碗麵」，我諗呢句話唔適用於威爾斯，因為佢哋「搞掂」晒，碗麵都未煮好囉。
吹奏係所有鹹片當中嘅指定動作，男士們每次睇到女優為男優用心吹奏，感覺特別興奮同大感過癮，甚至對吹奏場面嘅興趣大於欣賞男女優激情交合添！為咗享受呢種歡愉，唔少男士都要求女伴提供口舌服務。之不過，喺香港就唔係咁多女仔願意咁做，原因係乜就唔知，但係性愛和婚姻治療師Moushumi Ghose就提供以下建議助男士提升女伴對吹奏嘅興趣。首先，要營造一個令女伴舒適、自在嘅環境，例如唔好要對方跪地吹奏，男方坐喺床上，再拎個枕頭畀女伴枕住嚟吹奏咪舒服好多囉！第二係女伴吹奏得唔夠「深入」，唔好試圖用手按佢個頭，一按就會令女伴反感，今次吹奏完一定冇下次。第三就係溝通，向對方表示自己好想享受吹奏。第四係事後讚美同鼓勵一番，咁樣可以令女伴下次更有興趣吹奏，亦會改善一下口技喇。
就快到聖誕節，有情人嘅當然要計劃一系列節目同伴侶浪漫地享受佳節啦！至於冇情人嘅單身人士如我，就諗住以慶祝聖誕節為藉口約女仔出街，希望可以一擊即中！如意算盤係咪可以打得響當然天知曉，但係機會係留畀有準備嘅人，今日我就準備咗同大家分享日本網站「Menjoy!」嘅溝女心得，教大家點樣提升喺第一次約會中攬抱對方嘅機會。老實講，想喺第一次約會錫到對方就唔使諗，但係攬一下就唔難嘅，攬住對方，大家有身體接觸，往後發展就容易得多。不過，點樣可以突破呢個關口呢？專家教路，第一個方法係約對方落酒吧睇波，坐嘅時候要並排而坐，當睇到入波嘅時候最重要表現興奮，然後借意攬吓對方，咁做就顯得相當自然，亦令對方感受到你嘅熱情。第二個方法係約對方外出睇風景，同時預備相機拍攝，拍咗幾十張相之後，再要求大家合照，四野無人，無人幫手揸機咁點算？咁就嚟個二人自拍，期間又可以借意攬吓啦。第三就係臨別依依，約會之後送對方返屋企嘅時候，借意攬一攬對方，喺呢種環境對方都較易接受。不過，心得還心得，對方唔想畀你攬都唔好夾硬嚟，否則一定冇下次。
撰文：賢