本番禁止冇得啪啪啪

「本番」即係乜？

「本番」並非日本風俗業嘅專用詞語，好似喺日本電視嘅直播節目中，就會見到本番呢個詞語。不過大家唔好諗多咗，查實佢嘅意思解做動真格，即係嚟真咁解。正因為咁嘅緣故，所以風俗業就用佢暗指啪啪啪。由於日本風俗業受《賣春防止法》規管關係，故此佢哋都會喺店門外寫明「本番禁止」，亦即係冇得啪啪啪。如果客人係都想要呢？呢種行為被稱為「本番強要」，輕則被人「請」出門口，重則被列入黑名單之餘，仲會被風俗店登埋張大頭相喺門口。

何謂《賣春防止法》？

現時日本風俗業都受到《賣春防止法》嘅規管，究竟呢項法律係點嘅呢？呢項喺1956年5月24日制訂，於1958年4月1日全面實行嘅法律分為8條，當中再細分為合共81條細則，內容包括解釋何謂賣淫、如何管理風俗店及其資金等。不過，由於防止法對賣淫嘅定義係「與非特定對象進行有償性行為」，而性行為只限於本番關係，故此如果風俗孃用其他方法令客人發射，縱然係有償（可以理解做畀錢），亦唔算違法，因此就為風俗店提供一個走盞位。另外，為咗規避風俗店收錢，所帶嚟嘅資金問題，風俗店嘅收費會分為店舖收費同風俗孃收費兩個部分。以泡浴店為例，店家會收取客人洗浴費，而風俗孃則收服務費，用以區分開店家同提供色情服務風俗孃之間嘅關係。

冇得本番可以點搞？

喺冇得啪啪啪嘅情況下，日本風俗店就要諗辦法點樣令客人發射升空，當中喺每間風俗店必定有，亦係最受客人歡迎嘅服務，就要數「生尺」同「手捋」。

乜嘢叫「生尺」？原來日文「尺八」係暗指男士兵器，皆因尺八其實係一種用竹製成，外形好似簫嘅樂器。事實上，喺唐朝時期簫又稱為尺八，計落兩者其實有淵源。至於點解叫做「生尺」呢？原來「生」有唔戴避孕套嘅意思，而將兩者加埋一齊嘅話，即係指風俗孃會直接為玩家吹奏樂器。

至於「手捋」，日文原為「手コキ」，而當中嘅「コキ」有捋嘅意思，亦即係大家將遮套套上把遮度嘅動作。去到風俗店讓風俗孃為玩家提供「手捋服務」，雖然只係假手於人，但由於受到法規所限，總係聊勝於無。另外，為咗令客人有新鮮感，部分風俗店會提供「腳捋」（足コキ）嘅服務，雖然風俗孃用嘅部位唔同咗，但目的都係一樣。

從風俗到AV　夏目奈奈

雖然風俗孃有得睇冇得食（視乎你對食嘅定義），但仍然有風俗孃因為出色嘅外形或技術而成名，甚至因高人氣而轉戰AV界，而喺2004年1月出道嘅AV女優夏目奈奈就係其中之一。喺1980年1月23日於大阪出生嘅佢，曾做過電視台記者，其後喺大阪紅燈區飛田新地嘅風俗店工作，憑住出眾外形成為關西最紅風俗孃。

2004年1月佢加盟陷於低潮嘅AV片廠Soft On Demand，引嚟AV迷哄動嘅同時，更憑住超高銷量挽救埋公司。2006年8月推出限量音樂單曲《赤道小町悸動》，同時演出電視劇、舞台劇同廣播劇。2007年10月從AV界引退後，主力發展藝能界事業。

撰文：魂