女人愈多嘅地方就是非愈多，所以夜場總係是非多多。但對玩家嚟講，最關心嘅始終都係囡囡質素問題，只要質素高，乜嘢是非都懶得理。不過，日本有風俗店竟然唔係靠高質風俗孃作招徠，而係以狼胎取勝，唔知大家又有冇興趣呢？
對玩家嚟講，夜場係個尋開心嘅地方，攬住囡囡銷魂過癮之後，畀低銀両含笑離開。不過對於經營業界人士嚟講，要提供一個令玩家滿意嘅環境卻唔係易事，單係點樣管理囡囡已經令佢哋好頭痕，有桑拿場負責人指最怕係一啲唔識分寸又多口嘅囡囡。話說早前佢遇到一個超勤力又有技術嘅囡囡，即使叫佢做足全日亦冇怨言，不過呢件女有個唔好嘅習慣，就係好多口，唔理玩家想唔想講嘢，佢都會一輪嘴係咁講唔停，如果佢遇到傾得幾句嘅玩家，更會死（舌累）對方包養，因而令玩家感到非常討厭。負責人向呢位囡囡訓話過好多次，但係囡囡反駁話包養係你情我願，如果客人嫌煩咪最多講少啲喎。由於囡囡繼續我行我素，而負責人為免嚇親客人，最後決定將囡囡炒魷魚。
女人多嘅地方是非就會多，台灣有色情場所為免囡囡勾心鬥角玩派系鬥爭，於是嚴格規定囡囡喺工作期間唔可以傾偈，否則會趕佢哋走。話說桃園中壢有間色情養生館，館內12位囡囡都係嚟自越南，年齡介乎30至40歲，佢哋嘅來歷乜嘢都有，有啲離婚，有啲喪偶，亦有背夫兼職嘅人妻。由於呢間養生館採包食包住制度，故此成班囡囡居住喺狹小嘅宿舍中。人多擠迫自然容易發生口角，雖然大家都係天涯淪落人，但佢哋卻不忘鬥爭，更分成幾個派系，不論喺工作上定生活上，都會上演一幕幕勾心鬥角。為免佢哋講是非同鬧交，養生館負責人只好採用鐵腕規定，喺店中貼上「請大家好好一起上班，不要再很多話了。如果發現話很多，我會請你離開店裏。大家是來上班賺錢的，不要再閒言閒語。」睇嚟女人堆真係好難搞。
男人鹹濕可以去到幾盡？相信係飢不擇食，唔理乜嘢類型嘅囡囡都要鹹濕一番，呢種可算係鹹濕嘅極致。如果閣下想挑戰自己鹹濕極限嘅話，位於日本涉谷嘅「淫亂俱樂部」，絕對係一個試煉嘅地方！呢間風俗店自開業以嚟，唔單止以人妻作為賣點，更係以玩法超多同超激嚟吸引玩家。不過講到佢「成名」嘅地方，卻係要數店內風俗孃嘅質素夠低，個個冇樣又冇身材！咁點解仍然可以吸引到客人幫襯呢？原因係價錢夠平同夠淫亂，店內最低消費為40分鐘9,000日圓（約693港元），喺涉谷嚟講絕對夠平，如果中午12點前入場，各種雜費全免。而店內嘅風俗孃雖然質素低，但係勝在夠熱情同好手勢，經常搞到玩家硬足全程，完事後更係虛脫咁滯。不過諗深一層，其實去呢間風俗店嘅日本玩家，係咪都略帶自虐傾向呢？
撰文：魂