SUPER SONICO又名超音子，如各位有留意日本模型消息嘅話，都一定見過佢個樣，甚至可以稱為熟到爛。事關佢不僅是日本十八禁遊戲公司Nitro+嘅虛擬代言人，更憑住火辣嘅身材同性感造型，獲得超高人氣，係痛車（日本ACG文化之一，車主鍾意喺車身貼上ACG人物嘅貼紙或裝飾）愛好者嘅超人氣女神。
既然模型出得咁多，呢個新登場名為「Racing Ver.」嘅新作，又有乜嘢賣點吸引人入手呢？模型取材自其同名動畫第10集登場嘅賽車女郎造型，當中最大賣點梗係超音子着力「催谷」嘅一對豪乳。用「催谷」嚟形容絕不為過，事關原著嘅超音子本已擁有一對巨乳，只係喺呢個模型中，佢對車頭燈再嚟二次發育，再加上彎腰甫士，嗰種重量感，嗰種地心吸力，嗰種對π（圓周率）嘅完美呈現，簡直係震撼人心呀！除咗前面有睇頭，從後睇嘅話更充滿亮點，圓渾有分量嘅巨躉，已經夠晒視覺效果，加上細到近乎唔存在嘅T-back，更係挑戰大家嘅邪念藏量，絕對係賞心悅目嘅佳作。
全高：約220mm
售價：￥14,800（約HK$1,110）
發售日期：2017年1月（暫定）
撰文：魂