無論係每日做餐死嘅打工仔，定係得閒到唔知搵乜打發時間嘅富二代，內心總會曾經有過咁嘅問題，就係究竟生存為咗乜嘢呢？呢隻由日本成人遊戲商COSMIC CUTE創作嘅《怎樣填補的空洞 -under the same sky, over the rainbow-》，就以一個咁嘅背景創作。
故事發生喺天空都市奈陵，喺呢個世界不但存在人類，仲有各種魔幻生物，包括巫女、魔法師、獸人、吸血鬼、魔獸等。生活喺呢個都市嘅男主角五十海諒，當年曾經夢想可以縱橫魔幻世界，可惜最後因為失敗而冇咗目標同自信，變成今時今日喺偵探社打工。每日佢嘅工作只係幫人尋回走失咗嘅寵物、搵番唔見咗嘅物件、修補屋頂等瑣事。直到有一日，佢遇到少女魔法師哈爾‧克麗絲，燃起佢對人生嘅希望，以及作為人類嘅情慾。從呢一刻開始，佢決定要填補番過去嘅空洞，並且獲得第二次人生嘅機會。
開發商：COSMIC CUTE
售價：￥9,800（約HK$736）
撰文：魂