男追女隔座山，女追男隔層紗，雖然做男人係辛苦少少，但係點都要做主動，特別係喺床上！上床嘅時候，男士會先欣賞一下女方嘅內衣，不過如果女方嘅內衣唔乾淨就會令男方性趣大減。進行床戰之前會先嚟個舌戰，原來有三個情況會令男人唔想接吻，究竟係乜呢？
做人辛苦，做男人更辛苦，除咗要孭起頭家，同女士相處仲經常處於下風，因為女方會話：「乜你咁冇紳士風度！」「原來你已經唔再愛我！」只係簡簡單單嘅兩句說話，就可以令男士冇聲出，默默地付出一切！而呢一切亦包括埋床上激戰！原因係女方通常都唔會做主動，甚至唔多想出力。之不過，為一時之快卻冇幾多個男人會介意全力以赴，你話男人係咪犯賤呢？事實上，男方喺床戰時採取主動亦正正係令女士滿足嘅一大因由。早前網上媒體Elite Daily訪問咗100名年齡介乎19至50歲嘅女性，問及如果要令佢哋滿足，男方需要具備咩條件！受訪女性認為最重要係男方做主動，負責大部分前戲同抽送動作，仲要安排點樣轉換花式。另一個重點係說話要抵死且帶鹹趣，但係切記用粗言穢語。仲有就係肯提供口舌服務、肯花時間做前戲以及令大家一齊攀上高峰，呢一點都幾難做到喎！男人點知女人幾時高潮呀？
內衣褲係我哋日常生活當中接觸得最多又最貼身嘅衣物，而好多女仔都知道一套剪裁合身、款式吸引嘅內衣，能夠大大提升吸引力，喺日本更加有好多女仔大灑金錢精心挑選內衣，稱之為「勝負下着」，意思即係靠晒套內衣嚟取悅如意郎君嘅歡心。之不過，套內衣幾靚都好，男士們又識唔識欣賞呢？喺女士剝剩內衣嘅時候，又會因為邊一方面出錯而打退堂鼓呢？早前一個日本街頭調查搵到多位成年男士協助提供答案。結果發現，有88%受訪男士話如果見到內衣上有污迹就會即時性趣下降；其次有70%男士表示，如果見到女方次次都係着同一顏色同款式嘅內衣亦會性趣大減；68%表示如果發現女方嘅內褲邊露出毛毛會冇晒性趣，咁又係，毛毛又長又雜亂，的確係令人倒胃口。
情到濃時，男女都會進行親密行為，例如接吻。接吻雖然可以令大家嘅慾火同感情更進一步，但係水能載舟亦能覆舟，接吻亦有機會令人唔想開戰！點解？係咪因為對方有口臭呢？除咗呢個原因，仲有冇其他呀？梗係有啦！一個日本街頭訪問就呢個問題，徵詢一下多位男士嘅意見，睇吓佢哋同女仔接吻嘅時候遇到邊一種情況搞到冇晒性趣。排第三位係對方患上感冒，感冒通常有咳嗽伴隨，又點放心去享受接吻，更加唔想上床啦！第二位係接吻時赫然發現女方鼻毛突出，令男方覺得女方不修邊幅。第一位就係發現女方嘅牙齒上面有食物殘渣，老實講，呢個情景真係幾核突，換轉係我同對方講分手添啦！
撰文：賢