表裏不一唔一定係壞事，皆因一啲外剛內柔嘅囡囡，表面上成個女強人咁款，私底下卻係小鳥依人，呢種女性對男人嚟講別有一番吸引力，好似日本風俗界最近興起「大人女子」，外表成熟又斯文嘅風俗孃，喺床上卻熱情如火，難怪大受歡迎。
內地近年興起各種直播平台，同時衍生唔少靠直播搵食嘅主播同頻道，為咗吸引網民嘅眼睛，有人不惜以色情作為賣點，因此內地有關當局大力掃蕩色情平台。而呢啲直播平台好似同夜場冇乜關係，但係唔少夜場都擔心呢種直播風氣會影響到佢哋。點解咁講呢？有業界人士指出，為咗吸引網民，一啲直播頻道及主播無所不用其極，而佢哋最擔心嘅問題係有主播以玩家身份嚟到夜場，喺玩樂途中玩直播，到時就會將夜場牽連入內。為免發生呢啲問題，夜場小姐會格外留意玩家會唔會拎手機出嚟拍攝，一旦發現有唔妥就會即時拒絕服務，以策安全。
早前台灣有位從事紀律部隊嘅男子做咗件蠢事，搞到有關部門差啲陷入公關危機。話說早前台北市南港警方喺一間汽車旅館門口進行路檢，期間發現一位形迹可疑嘅辣妹從旅館行出嚟，經盤問後女子承認喺旅館內接客，於是警方立即採取行動，搵到24歲嘅林姓嫖客，殊不知佢原來係一名警察。據林男稱喺網上見到有色情服務，以6,000元新台幣（約1,250港元）嘅價錢享受全套服務，最後佢當然要接受處分。
日本嘅熟女風俗店，通常都會將熟女同人妻扯埋一齊，因為以前嘅日本女性普遍早婚，故熟女多數已經成為人妻。不過依家愈嚟愈多日本女子選擇遲婚，出現一種名為「大人女子」嘅新興熟女風俗店，好似位於東京錦糸町出張風俗店嘅「婚活 大人女子」就係其中一間。所謂「大人女子」，即係年屆20至30歲嘅女性，年齡同肉體均成熟，卻保持住一顆少女心，而呢間風俗店就係以呢種風俗孃作招徠。究竟有乜吸引力呢？佢哋外表斯文又具成熟女人味，喺提供服務時卻表現得熱情如火，貪玩到不得了，令玩家獲得與別不同嘅風俗體驗，難怪深受客人歡迎。
撰文：魂