咩事要告急呢？脫星界一直競爭激烈，而呢兩年瞓身喪砌嘅Nina Elle只係得個做字，仍未能夠成功上位，今日佢博一鋪出賣後門，若然咁都彈唔起，睇怕阿妹會被淘汰，之後四仔迷想睇佢嘅演出都幾難囉！
80後嘅Nina Elle話老唔老，但同後生女鬥又唔夠人爭，所以阿妹好醒目，兩年多前開始，自我歸類為「MILF」，唔扮無知，唔做索女，瞓身飾演人妻怨婦，希望可以殺出一條血路。的而且確，MILF喺過去幾年人氣搜尋有增無減，甚至比新女更多網民留意，但問題係MILF又點止得Nina一個，仲有Kendra Lust、Cherie DeVille、India Summer等老牌熟女，幾時輪得到Nina吖，所以阿妹都幾陰功，青春嫩口冇佢份，拍熟女片又甚少機會擔正，夾喺中間進退兩難。
自從Nina決定走MILF路線，佢好勤力扮淫娃，喺床上主動又積極，表現得食極唔飽，甚至連重口味及女同片都撈埋，無奈付出同收穫不成正比，砌極唔紅，點解呢？有網友懷疑因為Nina係德國籍脫星，未能同台前幕後打好關係。但細佬就唔認同，以阿妹喺美國四仔界打滾咗6年，早就融入美國市場，演出超過180套四仔，喺舊年簽約ArchAngel拍熟女片，當時導演MimeFreak為佢度身訂造一套個人四仔《Nina Is the ArchAngel》，封面係阿妹着住皮衫襯黑絲襪，最誇張係一對黑色大羽毛翼，化身女淫魔，人人都話正呀！
當大家以為Nina可以憑呢部四仔上位之際，點知熱潮一過，無人再提及，相信連當事人都大跌眼鏡，搞到佢亂晒陣腳，先飛起合作多年嘅經理人公司，轉投猛將如雲嘅ATMLA ，另外再搵公關公司XXX Star PR幫佢宣傳，為求上位都掟唔少錢（口架）！唔講唔知，求紅心切嘅Nina，當年為咗開設網站搵真銀，花咗900美元買起「NinaElleXXX」呢個網站名，可惜佢嘅官網多年嚟都係咁上下，冇乜人留意囉！
早前Nina出賣後門博一鋪，推出處女後門片，之但係呢部四仔由佢嘅死敵Kendra Lust執導，可見Nina妹亂到連自己想點都未知。今次急急腳出賣後門，咁下次又可以賣咩呢？但係大家唔怪得Nina，因為佢喺AVN及XBIZ Awards都只係獲提名角逐Hottest MILF大獎，一直與獎項無緣，再咁嘥時間落去，最後都係被淘汰，換轉係你都博一鋪啦！
撰文：祖