經常以「性學家」自居嘅脫星Jessica Drake又有新聞喇！其實都唔係乜大單料，只係阿姐以「教授」身份走入大學教做愛！放心，唔會剝衫更冇動作場面，純粹係得把口，阿姐以過來人身份同大家分享經驗啫！不過，Jessica姐呢次嘅舉動就引起外界熱烈討論脫星唔應該入侵校園。人就係咁衰，又要睇又要抵制，至於忠實四仔迷當然係維護脫星，仲大舉脫星不乏知識人士嚟反擊添！
美國頂尖學府UCLA早前邀請Jessica Drake呢位重量級脫星以「教授」身份喺校內開性教育講座，主題圍繞床上正確性行為、雙方溝通及高潮等，當日座無虛席！無論係Jessica Drake好，其他脫星又好，其實脫星「入侵」校園已非新鮮事，甚至係每年例行公事添！
早喺2002年美國哈佛大學發起「Sex Week」，活動內容主要係性愛講座，耶魯大學亦不甘後人搞類似活動「Sex Week at Yale」，及後引發其他學府爭相倣效。點知到2013年，耶魯大學有人大力反對，結果停辦兩年，復辦後活動改名「Sex and Sexuality Week」，雖然收斂咗好多，但始終牽涉到性，令唔少家長、宗教人士非常反感。其實UCLA已非第一次邀請脫星開講座，舊年就花咗2,250美元請嚟「男神」James Deen、巨乳脫星Tasha Reign及身經百戰男優Colby Keller開Talk，據知當時400個座位都坐滿晒，但你點都估唔到，外界鬧嘅唔係脫星幾淫蕩破壞道德，居然係話花錢請呢三位人士唔值得喎！嘩！男神唔講，單係Tasha Reign拍一日床戲，閒閒哋收兩千美元片酬啦，依家一口價請到三個人，咁都有得鬧？證明把口喺你度，鬧人邊使理由吖！
更諷刺嘅係，Tasha Reign本身係UCLA畢業生，主修性別研究，家陣返校園「教育」下一代都要被人插，真係無奈！今次Jessica Drake都預咗會畀人喪插，好在四仔迷非善男信女，即刻將四仔界「知識」脫星搬晒出嚟，大家睇完之後咪再話脫星波大冇腦，分分鐘你讀書都唔夠佢哋多呀！
Asia姐係公認「天才脫星」，IQ高達156，更係門薩學會成員之一，喺新澤西州Rutgers University求學期間已多次獲得獎學金，之後加入脫星界，佢早喺90年代尾就睇好VR Porn市場，可惜當時技術配合唔到，否則可能係全球最賺錢脫星呀！
你再叻都唔夠佢叻，當年邊瞓身肉搏邊修讀法律嘅Heather Swift，於2013年喺Western State University完成法律學位，2014年更一次過成功考取加州律師資格，依家已係大狀喇！
好多人話Aurora Snow根本係性別錯配，皆因阿妹18歲嗰年為咗賺錢交學費，諗都唔諗就入行砌，當時外界一面倒鬧爆，阿妹一笑置之，邊拍邊喺加州大學完成商業學位，其後阿妹瞓身四仔事業，淡出幕前改做導演。
意大利辣妹Valentina Nappi向來敢怒敢言敢砌，阿妹唔係自己走落床肉搏，而係獲得同鄉四仔大導Rocco Siffredi賞識邀請佢入行呀！話說2011年喺藝術學院畢業嘅Valentina拍咗段下半身赤裸視頻，志在爭取兩性平等及女權主義，片段中阿妹鬧爆男人不公平行為，結果受到各界欣賞，仲令佢成為女權主義脫星添！
撰文：祖