男女上床時剝光豬肉帛相見，但係有專家話女士乜都可以剝，但係對襪就唔剝得，因為咁做可以提升獲得高潮嘅機會。女性喺享受床上快感嘅時候身體會出現好多不同變化，當中男人又知道幾多呢？
好多女仔都特別鍾意肥仔，原因有好多，例如覺得肥仔夠可愛，更重要嘅係肥仔畀到佢哋安全感。另外，仲有一個原因關乎女仔嘅生理需要，唔通肥仔性能力強啲？呢一層就未有實質數據支持，但係肥人身體特別溫暖，而女仔就最容易患上手足冰冷嘅問題，搵個肥仔攬吓暖吓手足就最好不過啦！提到女仔嘅手足冰冷問題，原來同佢哋能否得到性高潮亦有關係。荷蘭格羅寧根大學早前搵咗唔少成年女性協助研究，發現有超過5成嘅受訪女士鮮有甚至係冇試過得到性高潮，不過當佢哋嘗試喺做愛嘅時候着住對襪，結果有8成女士話容易得到高潮。主理呢次研究嘅Gert Holstege博士表示着襪為女性雙足保暖，溫暖嘅感覺令佢哋更有安全感同舒適，而喺床上進行激烈動作之時，雙足同對襪產生摩擦，仲可以增加身體嘅敏感度，自然更加容易攀上快感高峰啦！
相信每一個男人都希望可以憑一己之力，喺床上同女伴翻雲覆雨，一齊享受到無比快慰，事後獲女伴大讚性能力同技巧超卓。亦因為咁，男人最怕喺床上遇到死魚，任自己付出幾多努力，對方依然毫無反應。之不過，各位男士係咪清楚了解女性喺享受快感之時，身體會出現咩反應同變化呢？佢哋身體會出現一片潮紅及呼吸急促之外，仲有冇其他呢？早前有英國性學專家撰文指出，女性喺快感衝擊之時，由於有更多血液流到敏感部位，胸部會脹大20至25%，陰唇亦同時會出現脹大情況。另外，睇AV女優喺高潮時會潮吹，但係專家指出只有10至50%嘅女性能夠爆發潮吹。仲有，當女性高潮嘅時候，最神奇嘅係陰蒂會消失！點解呢？專家話呢個係一種自然現象，高潮時會令陰蒂縮向恥骨，好似消失咗一樣。
撰文：賢