有其父必有其子，有其姊亦必有其妹。日本唔少成員眾多嘅團體經歷多次更換成員亦依然紅透半邊天，全因挑選成員嚴謹，加入得團隊嘅都甚有質素，好似地下女子組合「仮面女子」咁，初代成員天木純以及神谷繪里奈青春可愛，更難得係擁有一對極度吸睛嘅巨乳，作為師妹嘅水澤舞同樣可愛又好波，早前亦學師姐咁，挺起巨乳殺入寫真界，推出寫真映像作品《まいぷぅ》，實行將青春魅力連同一對37G美巨乳一拚出賣！
為宣傳呢部滿足寫真迷同樂迷嘅作品，水澤舞喺8月28日到位於東京都千代田嘅Sofmap娛樂館舉行握手會，到時大家買一隻碟就可以搵水澤舞喺作品封面上簽名以及握手，如果買兩隻碟就能夠同水澤舞合照，買夠三隻碟更加可以同水澤舞進行單對單水着拍攝。另外，仲會有猜拳遊戲，猜贏水澤舞就可以獲贈阿妹嘅簽名寶麗萊一張，想了解詳情就Click上網睇睇啦！
網址：http://www.i-one-net.com/event/201
撰文：賢