小弟溝女無數，最後得手與否就無謂多提，只係溝過咁多女，最怕遇到一啲懶純真嘅女仔，聽到佢哋把故意扮出嚟嘅嗲聲和懶可愛嘅模樣，真係令人打冷震。之不過，欣賞日本寫真女郎就唔同喇，因為佢哋純真得嚟自然，可愛得嚟隨意，接受程度高好多，好似今日為大家介紹嘅嫩口寫真女郎咁誘人。
日本嘅AV女優同寫真女郎發展路程差不多，初出道時多數以純真表現取勝，然後隨年月過去，將演出尺度逐漸開放，若然一開始就拍到咁激，往後好難再有戲可以唱落去。之不過，佐佐野愛美呢位妹妹仔就唔同講法，演出尺度一開始已經相當大膽！
今年18歲嘅愛美認真係卜卜脆，氣質清純又可愛，我最鍾意佢雙眼流露住少女嘅純真，令人覺得佢未經世故。愛美咁後生，胴體當然白滑猶如豆腐花，令人食指大動，同一時間阿妹仲擁有脹卜卜嘅F-CUP美巨乳，認真係寫真界嘅可造之材。
以愛美嘅質素，大可逐步將演出嘅露出度增大，慢慢吊大家胃口，不過愛美卻反其道而行。從其寫真映像作品《Pure Smile》當中，可見佢演出時表現得純真可愛，動作唔會太過火，但係打扮上就令人睇到起晒火！唔少泳衣都非常少布，甚至只係得窄窄嘅布條遮住三點！咁快就着到咁少布，阿妹認真係初生之犢不畏虎。
每個人都有其純潔天真一面，咁幾時先容易見到呢一面呢？個人認為喺大家全情投入去做運動嘅時候！運動型美少女葉月佐和相信明白到呢一點，所以喺作品當中經常玩運動。今年23歲嘅葉月佐和身材誘人，巨乳夠睇頭，臀部又圓又翹，更難得嘅係腰肢纖幼加上皮白肉嫩，大大增加身材嘅可觀性。
論美貌，佐和比起好多同年紀嘅女仔多咗一股姣味，不過亦有其純真一面。作為以棒球為主題嘅美少女偶像團隊Poten Hits成員之一，佐和乃係運動健將，純真一面經常喺佢做運動嘅時候流露出來，要欣賞呢一面當然要睇阿妹嘅寫真映像作品《さわっていいよ》啦！喺呢部作品當中，佐和以鮮艷泳裝配合其豐滿體態刺激大家嘅視覺神經，仲會去海灘、泳池玩水又踢波，展露活力十足、體能出眾嘅特質，上水後仲會表演柔軟體操，做出養眼又高難度嘅動作，令大家睇得嘖嘖稱奇。過程當中阿妹露出嘅純真笑容，仲為大家帶來窩心暖意添！
撰文：賢