脫星虛偽就梗o架啦，弊在四仔迷太天真，鏡頭前阿妹做乜都會信以為真！好似女神Jelena Jensen今期被女同網站封為「8月之星」重點力捧，本來係值得開心嘅事，之但係阿妹入行13年來其性取向一直成謎，結果網民群起圍攻，要當事人交代真相，你話呢啲豬肉獎係咪唔攞好過吖！
鹹網為宣傳都會搞每月之星，就連女同網站「Girlsway」亦唔例外，「8月之星」就係女神Jelena Jensen，睇怕無人會有異議，但亦因為咁，令阿妹啲舊史被人翻晒出嚟！由2003年入行以來，34歲嘅Jelena都唔係「正常」脫星，事關阿妹同四仔廠合作只限拍女同片，但喺佢個人網站上表演時，對手卻男女不拘，因此咁多年嚟阿妹嘅性取向一直成謎，備受關注，而粉絲好希望Jelena公平啲，拍四仔時演出男女大戰，無奈阿妹睬大家有味，依然故我，喺網上就同猛男對戰，拍四仔就只玩女同。當事人向傳媒解釋，呢個係商業考慮，加上佢控制欲強，喺個人網站表演可以話晒事，自己爽爆同時又拍到想要嘅嘢。呢一層巴打當然明白啦，但阿妹依然冇回應性取向係雙性戀還是假女同囉！
對於四仔迷訴求多年，Jelena都冇理會過，有網友認為佢好自私，不過傳媒就攞阿妹嘅成功方程式嚟研究，認為佢係網絡先驅，屬於第一批由現實走進虛擬世界嘅「成功脫星」，即使食老本都夠過世，唔使落床砌都搵到食，相反過去所謂一姐，例如Lisa Ann、Jesse Jane，又或現今一線脫星如Dani Daniels、Alexis Texas等依然要繼續喪拍四仔先可以維持生計！
而Jelena喺訪問中表示，過去十年，個人網站全部由佢自己負責，佢先知先覺四仔迷需要嘅係即時色情視頻，而阿妹早就開始呢種玩法，佢仲話表演一場色情視頻嘅收入，多過佢拍四仔床戰十倍片酬呀！而阿妹今日除咗係脫星，仲撈埋幕後做導演、攝影師，仲有個人製作室，認真叻女。
Jelena妹一日未交代其性取向，四仔迷都唔放過佢，其實咪中晒阿妹計囉！有網站報稱Jelena喺2004至2006年同Jesse Jane拍拖，亦有傳佢同Anton Michael有過一段情，至於近年佢就轉口味搞熟女，同瑞典脫星Puma Swede有一手，其實執着咁多為乜呢？阿妹無非為高潮啫！
撰文：祖