波瀾壯闊愛情慾

有人話日本嘅成人遊戲不外乎情情愛愛，好難搵到一啲好似《王子復仇記》般史詩式題材。咁諗就錯喇！雖然日本唔少成人遊戲都鍾意以愛情為題材，但唔代表冇其他類型嘅作品，好似呢隻由日本著名遊戲廠AUGUST推出嘅《千之刃濤、桃花染的皇姬》，正正係當中嘅代表之一。故事講述以咒術為立國根本嘅王國，從開國至今已超過二千年，只係今時今日王國已落入蠻夷之手，以往嘅制度已逐漸崩壞。作為唯一幸存嘅王國帝位繼承人，亦即遊戲女主角宮國朱璃，為咗報仇雪恨同奪回國家，不斷尋找可以復國嘅力量。