日本有唔少人氣嘅成人遊戲，由於相當受歡迎嘅關係，當中角色經常被模型廠睇中，年中無休地推出模型，呢位龍造寺茜就係其中一位。嚟自日本成人遊戲製作公司Ricotta喺2013年推出嘅十八禁遊戲《少女騎士物語 More & More》，作為遊戲中嘅重要角色，龍造寺茜嘅身材梗係有番咁上下分量，尤其係對豪乳更係大家唔可以錯過嘅焦點！最新模型以身穿專用盔甲造型登場，霸氣得嚟又不失性感，事關佢身上僅僅穿着日本古代武士嘅布帶裝，一對豪乳固然吸引，嗰條襠布底褲更係性感，配合埋精美嘅盔甲同埋把武士刀，不失武士嘅味道。如果玩家覺得襠布裝太過復古嘅話，仲可以幫佢換上現代感十足嘅內衣造型，賣相同樣性感。新作附送喺以前嘅模型中從未登場嘅騎士矛，令到佢嘅入手值大大提高。