性感同純情兩種元素係咪對立嘅呢？事關好似未見過有打住純情玉女旗號登場，卻同時以性感造型示人嘅囡囡。不過未見過唔代表冇，更加唔代表呢兩種元素唔可以同時糅合於一身，好似內地新進寫真模特兒粉芭比VV，成功將呢兩種元素展現出嚟喇！
性感定唔性感好易分，因為只要用眼就可以睇得到。不過講到純情同純真，呢啲內心嘢如非花時間接觸，實在好難感受得到，而且純情係可以扮出嚟囉！不過喺呢位出生於陝西、現年19歲嘅粉芭比VV身上，就可以感受到發自內心嘅純真感覺，除咗佢有對大眼睛同萌爆嘅面孔外，更因為佢由心而發嘅氣質，當然仲有佢嘅陽光性格，男士們都被佢呢種特質深深吸引。而阿妹好似芭比娃娃一樣咁純真又可愛，同時身材一樣有睇頭，正呀！
雖然佢出道短短一年，但係已經有豐富嘅寫真演出經驗，人氣極速飆升，個人微博粉絲群已直逼9萬之多！除咗因為佢別具迷人嘅氣質外，佢喺寫真中經常以超性感造型登場，尤其係渾圓嘅美股，相當養眼。可能有人覺得既然行純情路線，點解又要性感示人呢？正正係呢兩種對立嘅元素，同時糅合喺於一身嘅緣故，令佢變得更加特別，亦令人更加喜歡佢。
既然阿妹嘅表現獲得極高評價，咁佢又點會只限於喺寫真界中發展呢！事實上，佢現時積極朝住各個領域火速邁進，努力接拍微電影外，又經常以平面模特兒身份喺潮流、化妝品、時裝、汽車、男士等雜誌中亮相。另外，佢早前喺個人微博上表示，將會到雲南進行新一輯寫真拍攝工作，又會以Show Girl身份出席上海嘅Chinajoy電玩展。
華麗嘅寫真背後，亦有不為人知嘅辛酸，佢為咗拍攝效果更具美感，以最佳狀態示人，喺6月開始作地獄式鍛煉，除咗節食外，更積極做運動，只係與此同時又要兼顧網絡直播及拍攝廣告嘅工作，令壓力大增。面對壓力，唔知佢會點減壓？原來佢選擇喺微博上同粉絲傾偈。大家唔好以為呢種只係公關伎倆，事實上透過同大家分享生活點滴，對於減壓實在有幫助，最重要女神都係人，希望有人同佢分享生活大小事。佢呢種做法既有助減壓，同時又可以拉近同粉絲間嘅距離，一舉兩得。如果下次見到佢唔開心，大家識做啦！
簡介：粉芭比VV事先張揚將於上海電玩展亮相，作為粉絲難得有機會接觸女神，試問點可以唔去捧場呢？如果去唔到捧場嘅話亦唔緊要，緊貼微博(目及)實阿妹嘅一舉一動啦！
網址：http://www.weibo.com/u/5611425080?is_hot=1
出生地：陝西
身高：165cm
三圍：34、24、34
撰文：魂