相信各位男士同朋友食飯都會飲兩杯啤酒，原來啤酒有助性作用。日本打工仔忙碌程度絕不下於香港人，咁辛苦搵錢當然要「放鬆」一下啦！咁佢哋每月花幾多錢去「放鬆」呢？
因為工作關係，小弟接觸過唔少喺澳門工作嘅浴花，佢哋都幾健談。同佢哋傾談期間，當然了解到佢哋喺工作上會遇到咩困難，而眾浴花都表示客人幾大隻都唔怕，最怕就係醉酒佬，一來一身酒氣相當難頂，二來怕佢會發酒癲，三來對方爛醉如泥，搞極都未能夠完事。事實上，有專家表示飲啤酒可以降低敏感度，指出啤酒含有豐富嘅植物性雌激素，令男士嘅敏感度降低，喺交合嘅時候可延遲發射。另一方面亦有來自美國洛杉磯嘅性學專家指出黑啤含有豐富鐵質，令血液更容易流到下體增強硬度。不過，啤酒如何助性都好，大家最好都係適可而止，千祈唔好酗酒，否則到頭來傷害身體，連床都上唔到就淒涼喇。
小弟早幾年去日本旅行，喺一間拉麵店見到招聘告示，上面寫住招請廚房學徒，月薪有成22萬日圓，以當時日圓兌港元接近十算嚟計，即係接近2萬蚊港紙。我就同朋友講：「嘩！喺日本做個學徒都有咁高人工，我都想做喎。」朋友笑話：「呢處係東京呀！生活指數好高，租間房住都唔少錢呀！收呢個人工生活都幾艱苦。」真係畀佢一言驚醒。既然班日本打工仔收入唔高，工作又咁辛苦，又會用幾多錢去滿足一下性慾呢？一個調查訪問咗約2,000名男性打工仔，發現最多人每個月會幫襯風俗娘一次，平均消費為19,990日圓，約千五蚊港紙。其次係消費喺購買AV方面，平均花費為2,241日圓，第三就係上網付費下載AV，平均使費為2,779日圓。不過，受訪者當中有3成完全唔會為出火而消費，嘩！因住谷爆呀！
撰文：賢