- on.cc 東網主頁
- 3月26日 (三)
劈場好不好玩，真的兩睇。那晚幾個朋友相聚茶仔，天南地北一輪之後，大家都聊到在旺區的一些劈場，我不好此道久矣，十年八年前還偶爾跟朋友落場玩玩，但漸漸覺得不是味兒，也就全身退出這個圈，「係啦，要畀錢，啲囡囡仲要溝，你話係咪無癮先？」B搶着在我開口道明原因前發言，他是中年肥佬一名，自言上這些美其名是夜總會，實際上多數囡囡都是金魚的劈場，非常沒趣，因為囡囡都對他敬而遠之，「好似幾個朋友去玩，一人坐一個女，坐吓坐吓我旁邊嗰位就愈坐愈遠o架啦，一係黐埋其他女度，一係寧願同我朋友劈酒。」
B的不滿，大家都能理解，消費者花費買開心，卻換來自尊打擊，難怪他會如此不滿，E卻不同，雖然算不上英俊瀟灑，但斯斯文文，而且說話頗有幽默感，落到這類劈場，是很受那些年輕的陀地囡囡歡迎，有時聽他說，在他手上金魚如何變木魚的經驗，已經深覺刺激，更何況他親歷其境？「劈場啲女後生啲，一定比較貪玩，但你話佢哋嫌錢腥就假嘅，但你要有啲方法囉，我覺得就係咁先好玩。」E的自得，讓B更黑口黑面。
撰文：黃韋龍
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
