日本寫真女優人紅自然工作多，好似原幹惠咁，忙住拍劇，仲要上綜藝節目做嘉賓，搞到隔幾個月先有寫真推出。而人氣拍得住原幹惠嘅寫真乳神今野杏南亦一樣咁忙，近年佢仲做埋官能小說作家，真係忙到不得了。亦正因為咁，今野杏南難得抽時間喺6月26日開團體攝影會，大家絕對唔可以錯過喇！
攝影會分5節進行，頭4節只限招呼10位龍友，每位收費7,500日圓，約為550港元，咁就可以同擁有雪白G奶、氣質超群嘅杏南影足75至90分鐘，真係未出發先興奮，唔影唔得呀！喺第5節會招待15位龍友，收費則盛惠15,000日圓，約1,000港元，點解會收貴咗嘅？因為攝影時間增加到2小時，同時加插為杏南慶生嘅環節，畀大家同杏南一齊切蛋糕兼玩遊戲，有咁筍，真係貴啲都畀啦！
網址：http://www.glace-p.com/details.php?filming_id=842
撰文：賢