所謂高手在民間，如果大家留意過喺大街小巷工作嘅人物，發覺佢哋雖然唔起眼，之但係因為工多藝熟，手藝已臻化境，叫人嘖嘖稱奇。除咗高手之外，靚女亦可以喺民間被捕獲，好似高嶋香帆就係來自一間居酒屋喇。
如果要推動不問年齡，唯才是用嘅政策，參考日本寫真界就最好喇！因為喺寫真界大家發現女優們年齡差距好大，十一、二歲嘅女優多不勝數，五、六十歲都出嚟拍寫真嘅亦有唔少。而好多人氣寫真女郎廣年紀都係十零廿歲，但係佢哋喺寫真界已發展多年，今日為大家介紹嘅青春美人兒高嶋香帆就係其中之一喇。
香帆妹今年24歲，雖然已經踏足寫真界5年，但係到今時今日氣質一樣咁天真爛漫，一副入世未深咁樣，甜美又清新。論到身材，香帆亦可以話係寫真界嘅一時之選，肉地充滿彈性且表面光滑鮮嫩，令34E-23-34胴體更見健美誘人，散發出健康氣息。
香帆被發掘為寫真女郎，全因獲居住地大阪嘅一份街頭報章《大阪美少女圖鑑》幫上一把，因為當時阿妹被報章嘅攝影師喺街頭野生捕獲，搵佢拍咗幾張靚相登報。香帆嘅青春活力成功吸引到藝能事務所嘅注意，邀請佢參加選美活動「美少女博物館」及「日本Telegenic」，結果成功上位。
出道以來，香帆嘅魅力將廣大寫真粉絲迷倒，之後仲跳入影視圈，參演過嘅電視節目包括《志村之時間》，電影亦有《下課後迷失小故事》。不過，大家點都估唔到咁可愛嘅香帆原來係出身自「海賊」！香帆嘅父母親喺大阪弁天町經營居酒屋，店名叫做《海賊》，小時候香帆經常喺店內幫手招呼客人，亦好鍾意去魚市場買餸減輕父母嘅負擔，認真乖女。
簡介：高嶋香帆同好多後生女一樣，鍾意經常喺博客同大家分享生活點滴，大家想了解香帆多啲就要Click上佢個博客睇喇！
網址：http://ameblo.jp/takashima-kaho/
年齡：24歲
身高：5呎4吋
三圍：34E-23-34
撰文：賢