小林加奈陽光女戰士

相信唔少朋友都睇過《美少女戰士》,一班水手服美少女號稱為「愛與正義的化身」,而小林加奈呢位「美少女戰士」除咗吸引力非凡,直情係火辣同陽光嘅化身,挑起男人無窮遐想。

清新健康

如果你問我最鍾意邊幾個日本寫真偶像,毫無疑問我會答係今野杏南、岸明日香、染谷有香等呢班乳牛級女優。之不過,日本寫真女郎各有美態,小弟我亦唔會局限自己嘅目光於乳牛身上,上圍肉哋欠奉嘅青春美少女我亦一樣咁Like,好似今日為大家介紹嘅小林加奈咁。

年方十九嘅加奈面孔清新又稚嫩,不過嫩口得嚟唔會太萌,唔會懶係可愛咁令人毛管戙,反而多咗一份文靜儒雅氣質。至於身材方面,雖然唔係小弟最愛嘅巨乳型,身高5呎4吋嘅佢,頭同身比例為1:8,呢副八頭身胴體睇起上嚟高挑又纖巧,即使個胸只屬微乳級,修長嘅雙腿、蛇腰加埋圓潤靚股,整體上不失吸引力同誘人視覺效果,更重要嘅係予人健康感覺,配合埋面上散發出陽光氣息,我就相當滿意喇!

「舞」林高手

加奈身材之所以咁苗條同健康,係因為佢自小學習跳舞,佢3歲開始跳芭蕾舞,長大之後仲學埋爵士舞同街舞,可謂一位舞林高手。阿妹擁有好身材及美貌,喺2011年加入藝能界一直備受注目,演出嘅電影包括《心在找你》等,同時佢亦成功入屋,參與過不少電視劇及綜藝電視節目,亦拍過唔少廣告。而加奈嘅青春胴體亦惹來寫真界垂青,至今已經推出過12部寫真映像作品,成績相當驕人。

最近加奈亦進軍舞台劇界,有份參與《美少女戰士》舞台劇,擔任火星女戰士火野麗一角,呢個角色極有發揮機會,真係前途無限,加油呀!

社交網站

簡介:小林加奈近期忙於演出《美少女戰士》舞台劇,而佢喺Twitter成日都會同大家分享相關消息同花絮,想知道阿妹更多近況,就要Click入去睇喇!

網址:https://twitter.com/karetaroo?lang=ja

小林加奈Profile

年齡:19歲

身高:5呎4吋

三圍:32-23-33

撰文:賢