美國加息唔加息又關四仔事，梗係關啦！唔敢加又好，未加住又好，總之大家都明白家陣美國經濟唔係咁好景，咁即係話，色情界一定首當其衝受影響啦！細廠要執或被收購，龍頭嘅都要諗盡計仔求存！
早兩日四仔廠Brazzers就發新聞稿表示其官方網站正式推出西班牙文版，一眾「西」人係咪好興奮，感覺零舍親切呢？Brazzers此舉，好聽就話衝出國際，唔啱聽就係要向歐洲搲撈，無他嘅，本土增長放緩，唔向外望點搵食呀？BrazzersEnEspanol.com已正式上線，一登入網頁就係西班牙文，唔鍾意嘅可以轉番去英文版，之不過咁，呢個「西」版網站介面雖然全部西班牙文，但四仔就唔會有任何「西」文字幕，而Brazzers產品總監好抵死咁話，啱晒一眾想學西班牙文嘅四仔迷使用，邊睇鹹網邊學西班牙文生字，掉番轉想學床上英語嘅西班牙人都得！咁都講得出，唔怪得你坐到總監個位啦！
網址：www.brazzersenespanol.com/tour/home
撰文：祖