有玩家話家陣嘅經濟環境，最好都係留番喺自己地頭玩，條數易計啲又安全啲；亦有玩家話去外地玩好，起碼有種探險嘅感覺。不論邊種玩法都好，講到尾最緊要好玩。
對於搵食老手嚟講，雖然近年唔少內地夜遊熱點都被掃場，但係卻無影響佢哋搵食嘅心態，皆因佢哋唔擔心搵唔到地方食嘢，又唔介意花多啲時間喺車程上去遠啲嘅地方開餐，例如惠州、江門、淡水等呢啲三線城市，總會發現佢哋嘅身影。不過隨住呢啲熱點人氣愈嚟愈高，已引起有關方面注意。好似江門咁，自5月初，有關方面就開始部署進行打擊措施，早前江海分局出動170名警員，喺全區進行掃黃行動，整個行動中，共清查出租屋763間、旅館13間、髮廊26間、歌舞娛樂場所4間、洗浴按摩場所10間，呢個數字真係相當厲害！據有關當局稱，其實自今年以嚟，江海分局已先後進行咗5次行動，並且合共逮捕涉黃違法人士34名。呢個成效係點，確實有目共睹。
台灣嘅外送茶，即係應召服務，由於交易地點由玩家自定，加上多數喺酒店交易較為安全，可以全心全意享受全套服務，故此頗受玩家歡迎。不過家陣去酒店開房再Call送茶妹上門，已經唔係一種安全嘅玩法。事緣高雄三民二分區民族派出所，喺今個月初多次接獲民眾嘅舉報，指發現唔少投宿當地一間旅館嘅住客，經常電召外送茶服務。警方接報後即刻派人喺旅館外埋伏兼搜證，而喺採取行動當日，成功將扯皮條、34歲洪姓囡囡及43歲戴姓男玩家逮捕，而洪女同戴男兩人都承認以4,200新台幣嘅全套價錢進行交易。問題嘅重點並唔係在於佢哋有幾咁唔好彩，而係邊個會舉報旅館有人電召外送茶服務呢？照估計，最大可能性係旅館住客舉報，否則一般市民根本唔會知道住客喺房內玩乜。
正所謂歡場無真愛，相信冇人會咁天真，以為會喺歡場搵到真愛。縱然去玩只係一場金錢同肉體嘅交易，卻仍有唔少玩家將個人感情投射到囡囡身上。而呢間位於日本千葉縣松戶嘅熟女出張風俗店「愛之蕾」，相信可以滿足到情感空虛嘅玩家。點解咁講呢？原來呢間風俗店最近推出「愛情Delivery」服務，玩法好簡單，風俗孃化身成玩家嘅女友上門提供服務。可能有人會話呢種服務唔係咩新玩意嚟啫！咁你就錯嘞！以前提供女友服務嘅風俗孃態度溫柔，但係今次呢班風俗孃會化身野蠻女友，佢哋會蠻不講理，乜都由佢哋作主，係咪好有電影Feel呢？當然風俗孃要好有戲至得啦！原來呢間風俗店唔少熟女風俗孃都有演戲同做話劇嘅經驗，所以演技有番咁上下。
撰文：魂