所謂名師出高徒，除咗要有名師，高質素嘅同門師兄弟都好重要，因為同門之間有傾有講，相處壓力冇咁大，互相切磋期間仲大大增加學習水平。好似石原佑里子呢位新紮日本水着偶像咁，近期成日同師姐一齊活動，仲話希望同師姐一齊剝光豬拍全裸寫真添！
一位標準嘅火辣美人，需要擁有一副優美身段，豐滿上圍配上黃蜂腰、曱甴肚，仲要有一副瓜子口面。不過，諗諗吓，如果每個女仔都要有瓜子口面至係靚女，咁咪冇晒特色？男人咪冇晒選擇囉！好似石原佑里子咁面圓圓都幾吸引吖！
21歲嘅石原佑里子係近期人氣冒升得相當快嘅水着偶像，面孔標致就稱唔上，但乃係人見人愛嘅Baby Face，帶幾分天真無邪，兩邊面珠仔飽滿且面色紅潤，睇落健康又精靈，笑起上嚟甜美感覺令人為之融化。至於身材方面，上圍脹卜卜，有一對純天然鮮嫩F奶，加埋白裏透紅嘅肌膚，試問世間上有幾多個男人能夠抵受得住呢種誘惑呢？
佑里子加入寫真行列未夠一年，出道前曾經參加「Miss湘南」選美活動，雖然最後攞唔到冠軍，不過阿妹都算冇橙執番個桔，奪得最上鏡小姐。之後，佑里子嘅人氣愈來愈旺盛，喺網上有好多人討論佢嘅寫真演出，唔少人都表示阿妹呢種健康性感好吸引，又有人話佢實在太可愛，仲有人大讚佑里子着上泳裝側臥倒奶嘅姿勢誘惑度冠絕寫真界，總之對佑里子有讚無彈。不過，佑里子卻謙虛話自己仲有好多不足之處，特別係加盟旗下有岸明日香、森下悠里等頂級寫真偶像嘅事務所之後，自覺同一眾師姐嘅實力差距甚遠。
雖然話同行如敵國，但係面對咁可愛嘅師妹，森下悠里近期經常同佑里子四出舉辦握手會、攝影會等活動，畀師妹有更多學習同實踐機會。佑里子表示已封悠里做偶像，仲話好想同師姐拍住上，希望一齊拍全裸寫真添！
年齡：21歲
身高：5呎3吋
三圍：35F-24-34
簡介：石原佑里子近期密密出席各種公開活動，當中嘅花絮及實況會透過Twitter公開，大家想睇就Click上去喇！
網址：https://twitter.com/y_pyooon?lang=ja
撰文：賢