唔少上咗年紀嘅朋友已經過緊退休生活，之不過佢哋唔使返工嘅日子到底悶唔悶呢？老實講，換轉係小弟一定覺得悶，不過對於剛剛引退嘅AV女王上原亞衣嚟講，退休之後可能仲精彩過以前，佢有幾忙碌？我哋一齊去睇吓啦！
每個業界都會有人出有人入，有新人加盟，同時亦有舊人引退，日本AV界亦唔例外，而今年最多人留意嘅引退消息，除咗有AV女王霞果穗，以及被稱為「人類最強BODY」嘅沖田杏梨之外，當然仲有AV界女王上原亞衣啦！上原亞衣喺上年11月嘅AV OPEN 2015突然發表引退宣言，之後就開始進行密密麻麻嘅「埋尾」工作，包括為感情要好嘅AV廠本中拍下多部引退紀念企劃作品，亦四圍開引退攝影會。之不過，由於上原亞衣真係太多粉絲，更有好多攝影會主辦單位、DVD店希望亞衣可以臨別秋波，為佢哋開攝影會，而亞衣咁順得人就梗係一一答應啦！雖然亞衣喺4月25日正式引退，但係演出攝影會嘅日子就排到5月中都仲有得開，可見亞衣幾咁受歡迎，幾咁多人唔捨得佢！
提到多人，亞衣喺引退前兩日，亦即係4月23日喺秋葉原M's Studio舉行握手簽名會，參加者之眾被場地負責人形容為史無前例，因為一共有成247名粉絲湧住嚟參與！為咗滿足晒粉絲嘅要求，亞衣足足忙咗八個半鐘同佢哋簽名、合照及進行拍攝，認真犀利！辛苦晒亞衣喇。另外，喺4月24日晚上，亞衣就喺新宿Loft Plus One舉行引退祭聚會，當晚吸引咗超過106名粉絲逼爆會場，班粉絲喺活動開始嘅時候更齊齊戴上亞衣面具以示支持！除咗粉絲夠多，亞衣仲係AV圈中嘅風頭躉及「友誼小姐」，開引退祭喎，梗係有好多圈中好友出嚟為佢送別啦！咁有邊幾個女優呀？包括波多野結衣、AIKA、大槻響、佳苗瑠衣及白石茉莉奈等一共8位女優。
喺引退祭中，上原亞衣收到好多鮮花及祝福，佢含住淚收花，讀出一篇引退宣言，內容大致係多謝各界喺亞衣嘅5年女優生涯當中嘅支持同鼓勵，不過亞衣多次表示自己原本係由AV廠Team A出身，得到大家投票至可以由連藝名都冇，變成今時今日咁多人認識。而喺Team A嘅日子就最開心，亞衣話當時同一眾女優齊齊努力爭取大家注意及獎項，過程雖然辛苦卻又好充實好快樂，到今日依然懷念該段日子喎。睇嚟亞衣真係好識得飲水思源喎！開完引退祭，唔代表亞衣嘅幕前演出就咁結束，因為亞衣喺5月會去到淺草同前輩灘純等女優跳艷舞，另一方面，大家喺5月16日Click入https://vimeo.com/164106040就可以睇到亞衣聯同白石茉莉奈以及小島麻奈美，３個人柴娃娃去關島進行畢業旅行嘅實況，大家記住要留意呀！
撰文：賢