美國隊長同鐵甲奇俠互片，到底誰勝誰負呢？其實兩個都係正義英雄，根本就唔需要打起上嚟，冷靜少少坐低唔啱咪傾到啱囉！之不過，對於日本寫真女郎嚟講，唔鬥就真係唔得喇！因為競爭才有進步，兩位火辣尤物互鬥魅力同身材，觀眾自然眼福不淺啦！
每個人都有其優點同缺點，想喺別人面前加分就當然係盡情將自己嘅優點發揮啦！好似寫真女郎咁，知道自己嘅優點係大胸的話，喺演出當中就會主力玩夾胸、倒奶嚟取悅觀眾。之不過，觀眾唔係記憶力只得3分鐘嘅金魚，成日喺寫真當中玩波，老調重彈只會令人生厭，不妨學吓松嶋詠美咁，間唔中棄胸轉而賣股，咁就可以為大家帶來新鮮刺激啦！
24歲嘅松嶋詠美喺日本新一代寫真女郎當中，係身材最火辣最接近完美嘅一員，除咗因為佢擁有豐滿嘅純天然F奶及圓潤靚股外，仲身高5呎7吋，高挑得嚟相當纖巧。詠美喺最新寫真DVD《Secret Lover》中，扮演一位秘密情人，穿上性感火辣嘅服飾不停搔首弄姿，由於要保持神秘感，詠美好少正面望向鏡頭，主打影住佢又翹又圓嘅美臀扭來扭去，其中一幕仲會大玩SM誘惑，着住黑色皮革丁字褲，仲要鎖住對手，咁點算？咪要用下半身嘅動作嚟求饒囉！
碟名：《Secret Lover》
收錄時間：90分鐘
售價：約HK$297
頭先講到松嶋詠美身材接近完美，而喺日本寫真界能夠以身材同佢硬撼嘅的確冇幾多個，除咗染谷有香！有香同詠美年紀一樣都係24歲，不過有香出道較早，知名度亦更高！而有香之所以咁為人熟悉，其中一大原因係佢有「寫真界最強BODY」之稱！身高5呎9吋，喺日本寫真界都好難搵到第二個高度拍得住佢嘅女優，高挑之餘仲有37G-24-36嘅三圍，認真豐滿火辣，加埋標致得嚟又充滿冷艷氣質嘅美貌，大膽講句冇得輸！
除咗拍寫真，有香近期密密喺演藝界搵食，參演過嘅電視劇包括《華和家四姊妹》等，發展相當順利。之不過，我哋依然最關注有香嘅寫真演出啦！《柔肌》就係佢最新寫真DVD，當中阿妹表現出多種風格，喺室內換上便服輕解羅衣流露一派柔情若妻味，去到室外就着住性感皮革裝騎電單車表現辣妹風格，仲有唔少濕身玩水場面，展示出柔情似水一面，正！
碟名：《柔肌》
收錄時間：60分鐘
售價：約HK$297
撰文：賢