要令一部寫真DVD顯得特別誘惑，唔一定需要一位身材火辣豐滿嘅女優，最重要嘅一個元素係女優着得愈少布愈好，露出度高之餘，動作及表情亦需要加以配合，例如用一雙玉手撫弄身體，加埋欲拒還迎嘅表情，情色味勁高，誘惑指數爆晒燈啦！
日本寫真界有好多不同系列嘅女優，巨乳系、童顏系大家一定聽過亦見過唔少，除此之外仲有清楚系、蘿莉系，仲有一個叫做大福系。日本人講嘅大福，係一種甜味糕點，圓碌碌嘅賣相非常可愛，正好用嚟形容面圓圓又可愛嘅女優，伊藤里織就係呢種大福系女優喇！23歲嘅里織五官唔算好標致，但係一副充滿親和力以及可愛氣質嘅青春俏面，養眼又討好。身材方面，里織身形嬌小，胸前嘅C Cup美乳有一定睇頭，但係阿妹嘅身材重點在於晶瑩剔透嘅雪白肌膚，而呢種咁優質嘅肌膚又好似大福嘅外皮一樣鮮嫩兼具彈性。
《伊藤里織 Complex》就係阿妹嘅最新寫真DVD，為凸顯大福系特質，里織換上嘅衣着大部分都非常少布，唔係露南半球就係北半球，令大家可以充分欣賞到其胴體幾咁白滑剔透。另外，阿妹仲玩埋濕身捽泡泡，一邊捽一邊面露曖昧神情，加上濕潤嘅青春胴體又顯現出另一種誘惑味道。
碟名：《伊藤里織 Complex》
收錄時間：103分鐘
售價：約HK$292
所謂一隻手掌拍唔響，好多時男人心入面生起邪念未必因為自己思想污穢，而係因為外在因素，最簡單嘅就梗係見到火辣美人啦！若然該位美人好似小柳步咁充滿邪氣，仲要動作極具挑逗，唔使多講一定令男人心邪啦。24歲嘅小柳步面上不失甜美，但係卻又充滿邪氣，雙眼帶神采之餘，仲十分妖媚，姣味湧晒出嚟！另外，小柳步雙唇厚度十足，飽滿又夠潤澤，仲成日半開半合咁，好似要勾引大家同佢錫錫一樣。兩者配合起嚟，顯得邪氣逼人，難怪佢近期殺入賽車界之後備受注目啦！
不過要欣賞小柳步嘅邪味又唔使去到賽車場，睇佢嘅最新寫真DVD《溢出來～誘惑休養地》就得喇！喺呢部新作當中，小柳步展現野性美，身上嘅服飾一係中門大開，一係只穿着半罩型胸圍，配埋誘惑味極濃嘅黑色絲襪，搔首弄姿每每帶出無比野性以及誘惑效果。
碟名：《溢出來~誘惑休養地》
收錄時間：90分鐘
售價：約HK$292
撰文：賢