以為份人Nice就會多人派Like，咪傻啦！原來你愈惡先愈呃得多Like。有圖有真相，望吓今期Nikki Benz張海報，為慶祝臉書突破100萬人Like，去夜場做騷答謝粉絲，又搞記招大事鋪張，話時話，依家啲脫星最緊張爭社交媒體No.1，總好過開口埋口話勁話爆，事實冇人識囉！
加拿大籍脫星Nikki Benz喺脫星界仇家多都唔使細佬講啦，但呢位浸淫14年嘅大家姐，台前幕後都要忌佢三分，後輩更買佢怕，床上總要畀佢玩過至開心！無計啦，Nikki姐喺市場上任何一間片廠都撈勻晒，經已入無人之境，好似早前brazzers搞個網上四仔真人騷「Brazzers Houses」，阿姐唔使落場砌，只係做主持都威過一班姐仔呀！Nikki更早已打入AVN名人堂同時兼任四仔導演，講真，阿姐要畀面邊位啫！今次阿姐社交網fb突破112萬人讚好，Twitter跟隨者高達799,000個，事實佢本人乜都冇做過，純粹係粉絲誓死相隨，有乜咁值得慶祝啫，但數字勝過千言萬語，一位脫星可以咁多人撐絕非易事，綜觀當今咁多四仔女神都唔係阿姐對手囉！所以Nikki Benz都唔同你客氣，即時發新聞稿唱通街話你知佢幾叻叻，借勢搞活動谷聲勢，唔知幾時會出碟賺多筆呢？對於fb咁多人Like，老實，連當事人都唔知有乜回應好，梗係啦，fb又唔放得鹹嘢，況且阿妹亦非勤力發po嘅脫星，純粹當係宣傳工具，竟然咁多人Like，真係好出奇囉！所以佢都係官腔一句，從心底多謝粉絲，完！
唔好理Nikki姐係買Like定堅多人Like，作為脫星喺社交媒體突破百萬確實有難度，細佬睇過所謂當時得令脫星，80萬個Like都好頂榜，即使也有不少全裸照嘅社交網Twitter，脫星要有百萬Followers都絕不容易呀！所以脫星們近年鬥多Like多過鬥出位，一到個數字就有咁大煲咁大，慌死四仔迷唔知咁，數字對脫星或者冇實質利益，但絕對可以左右叫價，例如夜場搵佢哋做騷、四仔廠開戲，脫星可以增加叫價力；又好似同期發新聞稿嘅英國妹Sophie Dee，阿妹呢兩年淡出四仔事業，全力進軍夜場做騷，點解？好明顯呢啲先係真銀啦，而新聞稿話阿妹IG（Instagram）Followers突破932,000人，就快過百萬喇！如果以上數字係官網收費會員，肯定阿妹唔使撈啦！但100萬又如何，Sophie好輕描淡寫回應如果你想知佢嚟緊喺邊度演出，記得(目及)實佢社交網公布喎！咁多社交網，確實好難分得出邊個最威威，硬係要比較，細佬覺得歐美脫星慣用嘅Twitter數字會真實啲。
邊個脫星最多人氣，社交網人數一睇即知，而呢個fameregistry.com唔係鹹網，但最鍾意統計脫星乜乜乜，仲要不斷更新，其中一個「Top Twitter Porn Stars」統計，有齊脫星百大排名，例如截稿時頭三甲分別係已退役的Sunny Leone（1,220,622跟隨者）、Bree Olson（1,054,546跟隨者）、Sasha Grey（982,172跟隨者），三甲好合情合理，但肯定你估唔到曾被前男友毆打到入廠嘅Christy Mack居然有724,000跟隨者，係咪同情阿妹呢？
網址：www.fameregistry.com/top-twitter-porn-stars/
撰文：祖