活潑可愛充滿陽光氣息嘅美少女當然令男人着迷，不過帶點病態美嘅女仔就更加令男人又疼又憐，喺日本寫真界當中有唔少寫真女優屬於呢種類型，好似擁有豐滿上圍嘅神谷繪里奈就係其中之一喇！
日本寫真界同樂壇嘅關係可謂密不可分，因為有好多寫真女郎拍拍吓寫真就會轉型，放棄出賣身材嘅寫真生涯，希望喺樂壇闖一番事業，童顏巨乳掌門人篠崎愛就係最佳例子。另一方面，有人去唱歌，亦有歌手嚟晒波，好似早安少女組、AKB48等歷來都有唔少成員脫離組合之後拍水着寫真，近年人氣火旺，極具話題性嘅組合仮面女子亦一樣，早前就為大家介紹過天木純呢位童顏巨乳妹，而佢嘅好姊妹神谷繪里奈同樣喺寫真界搵食，要我於兩者之間揀一個的話，我鍾意繪里奈多啲。
24歲嘅繪里奈擁有一副娃娃臉，收起笑容時，又好似一個相當世故、飽歷風霜嘅成熟女人，韻味令人難忘。男人對其印象深刻嘅，仲有一副極品身材，身高5呎，體形細細粒卻又擁有一對34G脹卜卜純天然美巨乳，加上纖巧小蠻腰，身材認真頂呱呱！
繪里奈喺就讀高中嘅時候以少女模特兒身份出席攝影會活動，被藝能事務所愛麗絲嘅負責人睇中，將佢簽為旗下藝人。阿妹身材一流，參加過選美比賽「Miss FLASH 2012」，不過未有獲得獎項。之後，繪里奈專心向樂壇發展，先後加入美少女團體OZ、Steam Girls以及仮面女子，當中以仮面女子成員時期最為人熟悉。
繪里奈因為發高燒而引致後天性眼疾，令雙眼變成鬥雞眼，又因為鬥雞得太厲害而出現頭痛，可以話頑疾纏身，唔怪得繪里奈面上出現一份病態美啦，原來係飽經病魔折磨所致。幸好，阿妹嘅病情已經康復，之但係舞台上強烈嘅燈光，對雙眼有影響，故一度要引退。
阿妹身材火辣，唔唱歌咪去拍寫真囉！上年繪里奈憑住一副好身材參加選美比賽「ZAK THE QUEEN 2015」，仲順利奪得冠軍，可見實力同人氣幾強！另一方面，繪里奈最近成功登陸電視台，由阿妹個人主演嘅節目《超DOS夜間：偶像BINBIN！GO！》已經喺三月尾於SBS靜岡電視播放，睇嚟繪里奈前途無限呀！
年齡：24歲
身高：5呎
三圍：34G-23-34
簡介：神谷繪里奈公開活動繁多，如果想了解阿妹嘅動向，就一定要留意其博客，同時仲可以睇到好多繪里奈嘅火辣比堅尼照，千祈咪走雞呀！
網址：http://ameblo.jp/kamiya-erina/
撰文：賢