好多女仔都好為食，大家見到佢哋喺面書成日上載美食照片，可見一斑！不過，佢哋嘅心態好矛盾，又要食又要減肥，最擔心係減到個胸縮水，世事難有兩全其美，於是紺野栞索性做個大食妹，仲愈食愈好波添！
約女仔出街當然唔係單純地去行兩個圈啦，梗係希望有下文，咪諗邪嘢呀，我係指食個飯飲杯嘢咋！不過，我最怕就係遇到啲女仔食乜嘢都話肥，真係麻鬼煩！咁都唔緊要，最慘就係食少少就話飽，實在頂佢唔順！如果可以識到紺野栞呢位為食妹你話幾開心呢！
紺野栞近期人氣上升速度相當快，無他嘅，阿妹的確好省鏡，眉清目秀，雙眼精靈有神，兩邊嘴角向上翹，成日笑吟吟咁款，一見到佢就成個人醒神晒！阿妹令人精神一振嘅仲有一副豐滿身材，雖然肉感十足，有少少肥，但係上圍對37吋F奶夠巨型，大得嚟質感柔軟富彈性，且皮膚呈雪白光滑，身上隨便搵一吋肌膚都可以成為美白產品廣告當中嘅典範美肌。
紺野栞出道短短一年，卻表現出相當高嘅演藝天分，展現出一派甜美可人嘅健康性感魅力，令人神魂顛倒。阿妹表示喺演出時換上緊身衫，搞到佢呼吸困難，而拍攝嘅時候仲要做出各種不同表情，確係有難度。
不過，阿妹亦有失準嘅時候，早前喺拍攝期間就因為泳衣嘅肩帶不斷撩動胳肋底，搞到佢忍唔住笑，因而令導演大發雷霆。雖然畀導演鬧到喊，事後佢一見到美食就即刻笑番晒，皆因佢天生係大食妹，最鍾意就係食布甸同飯糰，就係咁佢首部寫真DVD就叫做《白色布甸》。紺野栞表示今年嘅願望係用飯糰救助世界喎！唔通阿妹係用飯糰暗寓自己對F奶？如果係咁，相信要拯救全世界嘅男人一定冇問題。
簡介：紺野栞會喺微博透露自己嘅工作行程同花絮，當中可以見到佢幾乎日日都會食飯糰，睇嚟阿妹真係對食有份執着，對飯糰亦情有獨鍾喎。
網址：http://ameblo.jp/konno-shiori/
年齡：21歲
身高：5呎3吋
三圍：37F-25-36
撰文：賢