平林杏美 潮紅美股

圓潤飽滿

日本寫真女郎猶如恒河沙數，要我數真係可以數足三日三夜都數唔完。咁多寫真美女當然各有特色，有巨乳、有纖腰、有萌系，亦有慾女，不過大家唔好唔記得仲有靚股美人，就好似倉持由香擁有一個又圓又挺嘅40吋巨躉，大得嚟搶眼又養眼，不過由香同時擁有一雙死魚眼，面孔美艷極都有限，邊似得今日為大家介紹嘅平林杏美咁靚女呢！

23歲嘅杏美人如其名，笑起上嚟夠甜美，予人幸福感覺，如果佢可以做我老婆就好喇！杏美嘅33-23-34三圍勻稱又帶曲線美，上圍大小剛剛好，而屁股雖然唔係特別大，但係就飽滿圓潤，表面光滑得帶亮澤感，相信阿妹每次換上T-Back向鏡頭一騷迷人美股，必定令男人為之神魂顛倒，我就係其中一個喇！

怕醜面紅

2013年出道嘅平林杏美，起初為一個汽車品牌做車展展銷女郎，其甜美形象以及優美身段吸引唔少人注意，後來就成為寫真女郎。原來入行之前杏美係一個辦公室女郎，只係喺假日嘅時候兼職拍寫真、開攝影會搵外快。

當然，憑住優秀嘅外在美以及魅力非凡嘅演出，杏美家陣已經全力向寫真界發展。唔知係咪因為杏美之前對住文件同電腦多過對人，即使拍攝寫真經驗唔淺，對住鏡頭好容易面紅，導演叫佢做出各種挑逗性嘅動作時，佢塊面甚至身體都會出現一片潮紅，如果搵杏美拍AV的話，阿妹會唔會變成日本鬼古出現嘅赤鬼呢？

平林杏美Profile

年齡：24歲

身高：5呎3吋

三圍：33-23-34

個人博客

簡介：平林杏美相當貪靚，平日最鍾意四圍去美容一番，想知道杏美最近又享受過邊一種美容服務，就要去佢個博客睇睇喇。

網址：http://ameblo.jp/hirabayashiazumi/

撰文：賢