尋找遺產之旅

成人遊戲中嘅男主角，唔係個樣好靚仔，就係性格溫文有禮，又或者相當好打，不過《聖鍵使者的命題》當中嘅男主角卻係一個中二病患者，即係廢青！雖然佢超廢，而且一無是處，之但係佢相當有異性緣，經常同索女曳曳。

話說位處邊境國度嘅利茲，當中嘅國王哈羅德將史前超文明「密斯陀利亞」嘅超科技遺產，一件無論乜嘢願望都可以實現嘅「宙的遺產」得到手，並且許下將全大陸上所有國家統一嘅願望後，就將呢個遺產封印咗喺一個神秘嘅地方。經過400年後，搜尋同保護遺產部門A.C.E嘅搜查官

斯皮亞諾‧古蘭賽露，喺一個神秘遺迹中遇到一個自稱「兇惡幻獸神」嘅少年春人，於是將佢帶到機構所屬學園。春人不但唔願意讀書，亦唔願意工作，連最基本嘅自理能力都冇，考試就梗係唔合格。喺佢補考時遇到美少女明奈秋月，更發現考試嘅題目原來係同尋找遺產有關，同時展開一場香艷之旅。