有人話數口精嘅人特別容易發達，而事實上係咪咁呢？想發達淨係識計數係未夠嘅，仲要識食腦度橋，當然仲要加埋運氣，咁先至可以達到目標，如果唔係點解每個禮拜都有咁多人買六合彩賭賭運氣呢！
以前嘅人講落嘅說話真係一啲都冇錯，想發達要講求一命二運三風水，否則縱然機關算盡，發達仍然冇你份。早前浙江東陽市嘅民警，於市內一間足浴店進行突擊檢查，逮捕涉嫌賣淫嫖娼人員共11人，當中一位29歲自四川嘅易姓女技師就慨嘆，佢第一日轉做邪骨技師就中招，真係唔好彩。原來易女上年喺呢間足浴店工作，一直以嚟都係做正骨技師，後來佢眼見足浴店嘅隱蔽工夫做得唔錯，樓分3層，一樓係大堂，二樓做正經足浴，而劃分成10間房嘅三樓係提供色情按摩嘅地方，加上開業以來一直相安無事，最重要係做邪骨技師收入高，故此佢先至轉做邪骨按摩，點知一下海，就遇到突擊檢查兼且畀人拉埋，搞到佢錢未搵到就已經冇運行。
一位到台灣做應召女郎嘅內地囡囡，希望可以喺短期內賺快錢，點知目標未達到就已經被警察拉咗，認真黑仔。話說呢位嚟自雲南嘅22歲嚴姓女子，透過中介人赴台灣台中潭子區，到一間由21歲湯姓男子喺住宅開設嘅色情應召站工作。以觀光遊客身份到台灣嘅佢，按規定最多可留台15日，因此佢嘅目標係喺呢段日子內搵到15萬新台幣（約37,500港元）。為咗達到目標，佢專門提供全套服務，每次50分鐘嘅服務收費3,000新台幣（約750港元），當中可獲得1,600新台幣（約400港元）收入。喺短短3日，佢就已經接咗18個客人，賺到28,000新台幣（約7,000港元），如果按呢個進度嚟計嘅話，目標真係可以達到。點知由於宣傳太過張揚關係，喺台灣知名論壇上張貼優惠廣告搵客，結果引起有關方面注意，早前進行突擊行動，將湯男同嚴女等人一網成擒。
日本風俗業嘅創意真係唔到人唔服，啲橋多得嚟又有噱頭，好似本嚟平平無奇嘅熟女風俗店，喺包裝之下，竟然同宣傳健康生活扯上關係，明明係去滾，竟然變成健康活動，問你服未？呢間位於神奈川新橫濱嘅色情俱樂部，開業3年，一直以熟女作為賣點，由於家陣熟女系風俗店競爭激烈，於是搞吓新意思嚟吸引玩家，結果就諗出將健康同風俗兩個元素合而為一。方法唔係就咁印吓啲資訊性海報，同埋擺幾本小冊子喺店內就算，佢哋認真到搵專業醫生舉行講座，兼且為現場男士進行健康檢查，當中指出男士如果想令精子變得活躍嘅話，最好就係密密發射，咁就可以令到啲蝌蚪更新鮮同積極向前衝。原來「唔滾唔知身體好」，呢句說話係真o架！
撰文：魂