究竟青春美少女吸引啲，定係成熟索女有魅力啲呢？呢個問題雖然冇必然嘅答案，但可以肯定嘅係鍾意後者嘅男士更着重女人味。如果鍾意呢類型女性又喜歡睇成人漫畫嘅話，咁就唔可以錯過主打熟女風情日本成人漫畫家招潮蟹嘅作品，尤其係今次介紹嘅《私底下的扭曲愛》，更係值得一睇再睇。
招潮蟹呢個筆名的確有啲怪，但係佢嘅作品一啲都唔怪，仲相當美觀，線條優美，足見佢嘅技巧已經達爐火純青嘅境界，對於一位出道冇耐嘅漫畫家嚟講，能夠去到呢個水平，可見佢下過不少苦功。自佢出道以嚟，經常喺成人漫畫月刊《美少女革命極》、《COMIC天魔》同埋《COMIC失樂天》等刊登作品，更深得成漫迷嘅歡迎，故此佢出道兩年後亦即係2010年1月，便推出處女單行本作品《突發性淫行症候群》，之後陸續推出《公然露出女友》、《甜美姊姊！》、《私底下的扭曲愛》以及《少女變成女娼了》，全部作品都深受成漫迷捧場。
至於佢嘅作品有乜特色？就係筆下角色嘅面部表情不但夠豐富，而且充分展現出角色嘅心理狀態，從而成功感染讀者。雖然作品中嘅女角色同其他嘅成漫一樣，主動又好色，但外形卻充滿成熟味道，同時配合男主角旺盛情慾，往往帶嚟出人意表嘅情慾聯想。此外，構圖亦充滿動感，尤其係曳曳部分，嗰種動態嘅視覺衝擊，更係將男女情慾碰撞感發揮得淋漓盡致。而粉絲就最鍾意佢筆下嘅熟女，不過佢表示喜歡繪畫各種類型嘅女性角色，希望未來能夠作多更多嘅嘗試。
《私底下的扭曲愛》作為佢超人氣作品，裏面收錄咗喺《COMIC失樂天》上刊登過嘅11個單元故事，包括《陷阱》、《妻子的秘密》、《望美的玩具》、《喜歡鄰居的貓》、《太太情事的事情》、《誘出》、《搬家》、《教教我，補習老師》、《醉戀》、《風野的謠言》及《壞脾氣的女友》。以熟女作為賣點嘅作品，漫畫中嘅女角色個個都比男主角年長同成熟，只係講到最令人印象難忘嘅故事，則要數《搬家》同《醉戀》。
《搬家》講述男主角小聰搬送家具入新屋，點知青梅竹馬巨乳美少女亞子唔幫手不特止，更投訴房間又冇冷氣又冇風扇，搞到佢流晒大汗，連條低胸吊帶連身裙都濕晒。兩人嘈咗一輪之後，亞子死死地氣幫手搬屋，卻笨手笨腳跌倒，成個人趴咗喺小聰身上，而被巨乳壓住嘅小聰即時起生理反應。為免喺亞子面前出醜，佢借故去沖涼，卻估唔到亞子竟然衝咗入嚟，見到小聰嘅兵器，更主動伸出雙手玩弄一番，之後兩人展開一場浴室大戰。
至於《醉戀》則講述啱啱大學畢業嘅男主角彥呂搵唔到嘢做，正當佢惆悵之際，不知不覺走到一間風俗店門口，突然畀個醉娃撞倒，原來對方係好耐冇見嘅學姊小瞳。之後，兩人去咗居酒屋敍舊，期間彥呂向小瞳表白，聲稱早喺大學時已暗戀對方。此時，小瞳已經飲醉咗，更喚起佢好色嘅潛藏性格，主動出手套動彥呂嘅兵器，跟住小瞳去咗彥呂屋企激戰起嚟。到咗第二朝，彥呂起身後卻發現小瞳早已離去，唔通小瞳視尋晚嘅事只係一夜情？
作者：招潮蟹
出版：WANI MAGAZINE
頁數：202頁
撰文：魂