由淺入深 咁至過癮

玉女成長紀錄

相信三十來歲嘅朋友都玩過電子寵物「他媽哥池」，從小巧遊戲機當中睇住寵物慢慢成長乃係最大樂趣，而睇住一位青春玉女成長同樣樂趣無窮，如果大家都有同感，伊藤優衣嘅最新寫真集《with YUI》就一定啱晒你喇。21歲嘅伊藤優衣歌影視三界都有涉足，人氣與日俱增，除咗因為演技同歌藝有水準，其可愛脫俗嘅正統派面孔亦係主因之一。2009年優衣踏足演藝界，即係話當時阿妹只得15歲，隨年月過去，優衣已經長得亭亭玉立，身材唔算豐滿，但係尚算婀娜，而一身雪白又帶光澤嘅鮮嫩肌膚係誘人賣點。《with YUI》寫真集收錄咗優衣喺2012年至2015年期間拍攝嘅寫真，此時期亦係阿妹芳華正茂，由可愛妹妹仔漸漸成長為玉女嘅重要階段，可以想像到寫真留下優衣最鮮嫩最青春嘅倩影，所以睇寫真集嘅時候就好似睇住阿妹一路成長咁。

書名：《with YUI》

售價：約HK$230

影盡全球美女

WOWCash呢間公司本來唔係做幕前色情，你可以當佢專職幫各大成人單位搵女影相拍片，而WOW嘅意思，即係Women Of The World嘅縮寫，佔有率大咗，人脈豐富咗，係時候企出嚟自己做。早前WOWCash嘅發言人JD喺發布會宣布搞鹹書，佢接受傳媒訪問時仲話：「鹹書就係鹹書，無謂分高檔定低俗，總之目的都一樣，今日開始《WOWMAGAZINE》影盡全球美女！」細佬撐佢呀，鹹書就係令你睇得興奮，唔興奮包裝再豪華，印刷再精美，手女再高質都係廢嘅！而《WOWMAGAZINE》係電子版，即係隨時隨地都睇得到！講咗咁耐，有乜好睇先？細佬深信編輯BJS本身係一名夜遊泰國通，佢有個專欄叫《BJS IN Bangkok》，同大家「些牙」泰國男人嘅夜生活，深入報道不同地區玩樂守則，邊區多女邊區易嗒女都有報告，而且有圖有真相，可信性極高呀！食得女多，咁梗係識得多女啦，所以有大量歐美索妹寫真外，白滑泰妹同亞洲妹嘅靚相都無限量提供。此外，佢都有世界囡囡專訪，每期一位索爆素人自爆剝衫苦與樂，保證你睇到「Wow」聲四起！

電子雜誌：《WOWMAGAZINE》

網址：http://www.wowmagazine.co/_index.php

真心投入性愛

呢本由日本女作家阿爾蒂西亞（Artesia）所著嘅《笑到噴淚！！官能女子愛愛講座：女人真心享受性、男人把妳當女神！》，不但搵嚟日本第一性愛女醫生宋美玄監修內容，並以搞笑嘅角度同文字，透過既輕鬆又認真嘅方式，為大家帶嚟與別不同嘅閱讀體驗。呢位被喻為日本最有趣嘅性愛女神，大膽地分享性愛開發歷程，以及點樣令女性真心投入性愛當中，答案就係身體認知、心靈培養同道具輔助，呢三種缺一不可嘅方法，從而燃燒大家嘅性愛小宇宙，正如作者喺書中所講：「我25歲以前嘅高潮能力就似《龍珠》中對抗紅領巾軍時嘅悟空，而家陣嘅我已經提升到可以打倒布歐、解救地球嘅等級喇！」

書名：《笑到噴淚！！官能女子愛愛講座：女人真心享受性、男人把妳當女神！》

作者：阿爾蒂西亞（Artesia）

譯者：徐月珠

售價：約HK$80

撰文：賢