家陣內地嘅模特兒有唔少，而當中樣靚身材正嘅更係多到數唔晒，咁點先至可以喺芸芸之中脫穎而出呢？人氣巨乳索模趙歡顏就話你知，佢除咗憑住火辣身材及獨特氣質吸引大家嘅眼睛外，更不斷付出努力，才得到今日嘅成績。
嚟自北京嘅趙歡顏，英文名Jessica，原名張笑，今年23歲，咪睇佢年紀輕輕，演出經驗卻相當豐富。原來佢屋企人同藝術早已結下不解之緣，祖母為軍區文藝部嘅芭蕾舞指導員，及後移居大連，加入大連老年模特隊並擔任指導；母親為大連市歌舞團舞蹈演員，同時喺幼稚園任職舞蹈老師；至於父親為自由商人，但熱愛文藝，年輕時係地下樂隊嘅結他手，所以歡顏名副其實係出身於文藝世家。
自幼喺濃厚藝術氣氛下成長嘅歡顏，3歲跟隨俄國芭蕾舞導師學跳舞，5歲學英文，8歲被選入大連市青少年合唱團童聲組女童高音員，並開始表演歌唱同演出音樂劇，12歲時身高已有163cm嘅佢，被挑選入兒童模特隊並擔任隊長職位，13歲首次上台行Catwalk，自此踏上模特兒生涯。咁仲未止，佢喺15歲時學習街舞，16歲修讀專業表演課程，並參與過多套舞台劇、電視劇等嘅創作。其後升讀大連醫科大學中山學院嘅佢，為咗學業而離開模特兒界，直至2012年復出，當時外形變得成熟嘅佢，顯得更加迷人。
事實上歡顏喺復出之前，本身已經夠晒先聲奪人，皆因喺2011年時，佢喺中國模特之星大賽大連賽區中成功躋身前10名，而呢次選美經驗，正好作為佢再戰模特兒界嘅準備。的確，佢回歸模特兒界後，先後喺多個模特兒比賽、歌唱比賽及選美比賽中獲得佳績，與此同時，佢嘅模特兒工作亦接唔停，先後為購物頻道、時裝雜誌、內衣品牌、汽車品牌、攝影產品、時裝及婚紗等超過40個媒體及商業產品進行宣傳活動。
此外，佢憑住火辣身材，以及迷人樣貌，推出多輯性感寫真，其中一輯名為《車震體驗員》嘅寫真集，更以超性感同誘人甫士示人，令佢喺模特兒界嘅名堂更加響亮，同時喺網絡界人氣急升。以上種種成績，證明歡顏嘅實力非凡，以及付出好多努力，先至能夠成功上位。不過縱然係鐵人，阿妹亦有捱唔住嘅一日，就喺去年12月時，佢就因為積勞過度而病倒，並因此而錯過一次到海外工作嘅機會。雖然歡顏表示相當遺憾，但正好趁呢個機會好好休息一下，為未來嘅工作儲備能量。
簡介：如果覺得趙歡顏嘅非凡成績，只因佢擁有火辣嘅身材，同埋迷人嘅樣貌，咁就大錯特錯，縱然佢擁有優越嘅外在條件，但唔付出努力嘅話，一切都係枉然。想知道阿妹嘅近況以及工作花絮，就要去佢嘅個人微博睇睇啦！
網址：http://weibo.com/234456014
出生地：大連
身 高：174cm
三 圍：39、25、37
撰文：魂