笛木優子索到起雙飛

一個人兩條心唔算多,我唔係叫人一腳踏兩船,而係打牌唔好叫卡窿同單吊,一於叫雙飛。搵錢亦係一樣道理,好似氣質美人笛木優子咁,喺日本同韓國兩地都搵到食,叫齊雙飛就大把「錢」途啦!

清秀纖巧

小弟第一次睇日本寫真集係10歲,至於本寫真集係點得嚟我就唔清楚,只係記得當中嘅寫真女優令我驚艷至今,午夜夢迴嘅時候久不久都會諗起佢,邊個咁厲害?咪就係當年紅極一時嘅宮澤里惠囉!里惠清純脫俗嘅面孔加上白滑又婀娜嘅身材,相信當年冇幾多個男人睇過之後能夠忘記。世事變遷,里惠已經唔係當年嘅里惠喇,而清純嘅寫真偶像喺現役寫真界當中亦唔多見,除咗今日為大家介紹嘅笛木優子!

優子今年已經36歲,不過佢保養得宜,外表睇落頂多30歲。其實優子呢類清秀優雅嘅女仔的確好襟睇,即使過多兩年都係咁美麗迷人。優子擁有一副纖巧身材,雖然上圍冇乜肉地,但係腰肢同手腳纖幼,加上雪白美尻,一樣充滿誘人魅力。

經歷波折

優子喺2000年勇闖藝能界發展,當時佢曾經用過藝名笛木夕子演出,及後又改名叫柳敏,大家係咪覺得呢個唔似日本名呢?冇錯!優子出道之後一年就殺入韓國搵食,於是咪改個韓國名囉。然而,阿妹喺韓國發展可謂幾經波折,因為佢喺當地活躍不久就被人發現佢係日本人,由於當時韓國有唔少反日勢力,令其發展引起唔少反對聲音,幸好優子並冇放棄,反而更加努力演出,結果成功得到韓國粉絲認同。

喺韓國,優子曾經拍過好多電視劇集,包括香港早前都有播映嘅《IRIS》。而喺2006年,優子就開始日韓兩邊走,拍下嘅日本電視劇有《殘念丈夫》等,近年亦開始推出水着寫真集以及寫真月曆,將自己引以自豪嘅韓系魅力帶回日本,成績不俗。

個人博客

簡介: 呢個博客有齊笛木優子嘅最新消息以及個人生活點滴,想對優子了解更多就要Click入去睇,當然亦唔可以錯過阿妹嘅自拍靚相同工作花絮短片啦!

網址: http://beamie.jp/t/yuko_fueki.html

笛木優子Profile

年齡:36歲

身高:5呎5吋

三圍:32-23-33

撰文:賢