何謂最？何謂完美？而更重要係作為資深男優，人生食過咁多女仲繼續食緊女，基本上人生都已完美，今日有乜嘢最完美一天可言呢？講出「最完美一天」嘅四仔製作公司老闆、四仔導演、四仔男優兼四仔脫星Annika Albrite人夫嘅Mick Blue，有才有錢又有勢，竟然講出一句咁低質素說話，問心點對得住自己先？不過當你細心留意，或者你都會認同佢所講嘅！
話說呢位攞過最佳男優獎（Male Performer Of The Year）嘅Mick少，出席BAM Visions製作室嘅新片發布會，親自宣布1月初會推出一套個人大作，四仔陣容非常強勁，包括有Kalina Ryu、Vicki Chase、Megan Rain、Abella Danger、Aidra Foxx、Ana Foxx及老婆Annika Albrite，以上囡囡除咗由Mick少獨家享用，仲有一場夫妻檔上陣玩多P，嘩，攞正牌同其他女人搞嘢經已難，仲可以拉埋太太落床享盡齊人之福，Mick少果然係全球男人心目中嘅男神呀！而最完美係BAM Visions係佢哋兩個都有份嘅片廠，即係話老公曳曳，做老婆仲要出心出力幫老公搵錢，難怪老婆Annika喺記招上都話，參演嘅姊妹係佢負責聯絡，亦由於兩夫妻彼此太熟悉對方床上性格，為免過分搶戲變成「夫妻四仔」，Annika更要擔任主導角色，勾引囡囡上床盡興，梗係啦，你估Mick真係蠢？當佢諗到整套四仔最大功勞查實係佢賢內助，難道佢仲敢喺床上話晒事咩？所以佢呢句「最完美一天」係確實由心而發，要好好珍惜呀！
撰文：祖