兩顆孤獨心

都話戀愛主題係十八禁遊戲嘅王道，否則又點會有咁多成人遊戲以佢嚟創作作品呢？好似日本成人遊戲公司「戲畫」嘅最新作品《她的依賴方式》就係其中之一，加埋有趣故事、高畫質及鹹度，難怪令一眾遊戲迷十分期待。

故事講述男主角柴宮浩斗個樣生得兇神惡煞，性格又Cool，一直都冇乜朋友，而佢就認為自己「唔係識唔到朋友，而係唔想識朋友啫」；另一邊廂，美少女新倉朋美把口尖酸刻薄，令所有人都敬而遠之。兩顆孤獨嘅心，喺某日突然交錯起嚟，事緣浩斗邂逅朋美，佢竟然衝口而出問對方：「你可唔可以陪我？」由於喺日文中，呢句說話同「可唔可以同我交往？」發音相同關係，令朋美感到相當驚訝，佢一邊發揮尖酸刻薄本色，一邊同浩斗同行。不過浩斗卻冇諗過，原來朋美仲有另一個身份，就係一個專門製造麻煩，兼且令人聞風喪膽組織嘅核心人物。究竟呢兩顆孤獨嘅心可以擦出乜嘢火花呢？

開發商：戲畫