經常聽到啲人話做人一定要識得變通，咁先至可以搵到新出路同新財路。以前都唔係咁信呢句說話，皆因呢個世界又唔係自己話事，變極都係逃唔出人哋嘅手指罅，變嚟做乜呢？不過睇完呢次嘅夜場新聞後，卻發現原來變，真係可以搵得唔錯呀！
成日聽到啲人話包裝即係偽裝，仲話呢種係冇道德嘅表現。查實包裝係好重要，尤其係當睇到個結果，發現原來可以財源滾滾時，咁就乜都抵番晒！話說喺內地流行唔少以手機聊天App搵食嘅囡囡群組，佢哋嘅外形有幾索得咁索，個身份更係有咁矜貴得咁矜貴，唔係喺超級時裝展度出現過，就係曾經同過某某明星合作嘅名模，至於價錢更係同佢哋嘅身份成正比，閒閒哋要成萬幾兩萬銀！不過，有人透露所謂名模查實係經過專業嘅團隊包裝，當中包括經紀、攝影師、網絡推手、市場策劃等。佢哋幫囡囡從修整個人照片開始，然後再幫佢哋虛構各種社交經歷，而事後同囡囡對拆每次嘅收入。至於囡囡亦相當厲害，報讀模特兒培訓班、參加高爾夫球同英語培訓班等以提高身價。結果係點？佢哋嘅價錢從當初嘅500、600元，升呢到10,000元起標，呢種投資真係值。
夜遊業其實係種好矛盾嘅行業，一方面怕冇人識，另一方面又怕太多人識，尤其係台灣，個場太張揚或太過有人氣，自然會吸引到有關當局嘅「關注」。既然係咁，佢哋有乜嘢辦法呢？高雄有色情美容店就以最傳統嘅方法，以減低畀人發現嘅風險，而方法就係當冇客嘅時候，佢會拉開閘打正招牌做生意。當有客嚟嘅時候，就即刻拉埋鐵閘扮收舖，再喺門口整多個人做睇水，咁就真係好似好安全喇！至於另一間同樣位於高雄嘅色情理髮店嘅做法就唔同，店面保留極為傳統嘅理髮店裝修，有兩個性感美女坐鎮。玩家入店後，美女就會招呼佢哋上二樓，裝修到同住宅一樣嘅房門中揀女。據講由於佢哋嘅門面太過普通關係，加上從外望過去，二樓又同普通民居一樣，真係好難發現原來係色情場所。不過，雖然佢哋解決咗張揚嘅問題，但解決唔到人氣太高嘅情況，結果統統都畀人查獲，關門大吉。
玩家去到囡囡度曳曳，見到對方相頭咁好同服務咁正，總不免會手痕痕拎部相機出嚟，影低美妙時刻。不過玩家想影唔代表囡囡肯拍，故此好多時會鬧出不愉快嘅收場。日本風俗店亦遇到咁嘅情況，只係佢哋為免玩家偷拍，同埋有機會出現爭拗情況，於是實行一個自拍送禮服務。呢間位於橫須賀名為「人妻城」嘅風俗店，最近推出呢種相當特別嘅玩法。玩家事先同服務員講明後就可以參加，而呢個時候佢哋會發現風俗孃戴上眼罩，原來佢哋為咗方便玩家影相之用。至於評定影得好唔好嘅標準，其實好簡單，就係放上網後睇吓有幾多人畀Like，當Like數高於某個數量後就可以獲得免費發射一次、5折優惠、指名費全免等嘅獎品。若然唔參加嘅話，玩家喺享受服務嘅過程中，所有眼鏡、手錶、手鏈等嘅私人物品都要放入一個黑色膠箱內，從而避免有人會偷拍，咁又真係幾好橋喎！
撰文：魂