做人應該要識得隱惡揚善，好似自己唔夠靚仔，溝女嘅時候就梗係要盡量發揮才華同學識。而日本水着妹好多都唔係巨乳之人，但係佢哋就識得運用身上另一個地方嚟誘人，冇錯！就係美股喇！今日就為大家介紹兩個靚股水着妹，睇吓佢哋點樣將挑逗感覺憑股發揮啦！
營養師成日都話兩種身材唔合乎健康原則，其一就係梨形身材，因為下身過分肥胖，影響健康又影響外觀。老實講，男人如果上窄下闊就梗係唔好睇啦，但係換轉係日本水着妹就唔同講法，咁樣反而成為一個賣點，就好似佐佐木麻衣咁。麻衣喺東京過咗3年OL生活之後就被星探發掘做水着妹，由於佢面孔標致迷人，身材婀娜健美，令佢喺選美比賽ZAK THE QUEEN 2011當中勇奪冠軍，及後活躍於水着界多年。
麻衣上圍有C Cup，但係喺家陣呢個巨乳妹橫行嘅年代，C奶只係濕濕碎，於是麻衣就揚長避短，唔賣胸轉賣股，以其堅挺又飽滿嘅美尻作為寫真作品嘅賣點，果然獲得唔少人大讚佢呢個形如啤梨嘅美尻夠晒誘人。喺寫真DVD新作《誘惑》當中，麻衣盡情將其美尻嘅魅力發放，不斷向鏡頭扭動，由於麻衣臀部生得又大又堅挺，着上泳褲或底褲都包唔晒，唧晒啲臀肉出嚟，好「股」惑呀！
碟名：《誘惑》
收錄時間：115分鐘
售價：約HK$261
如果話現時人氣高企嘅壇蜜係新一代慾女，戶田麗就可以話係壇蜜嘅前輩，不過呢個前輩家陣仍狀態十足，而且誘人魅力絕對唔會輸畀壇蜜。28歲嘅戶田麗喺2009年出道拍水着寫真，由當年嘅青春玉女，變成家陣嘅誘人慾女，冇錯！戶田麗近年已經成功轉型，以成熟女人味加上極具挑逗性同色情感覺嘅演出取悅觀眾，更加憑慾女形象而成為日本某安全套品牌嘅代言女優。而戶田麗除咗面孔夠晒韻味濃郁同冷艷之外，另一個重要賣點就係一個35吋優質靚股喇！
喺寫真DVD新作《決定哪一個》當中，戶田麗就靠自己個靚股誘惑辦公室嘅男下屬喇。故事講述戶田麗以上司身份同男下屬去旅行，期間戶田麗不斷出股惑，將個股趷高又扭來扭去，展示其股中魅力，仲玩埋濕身誘惑，簡直殺死人！好彩作品志在帶觀眾投入到男下屬角色，若然有男優出場，阿妹個股一定被攻陷。
碟名：《決定哪一個》
收錄時間：115分鐘
售價：約HK$261
撰文：賢