男同女之間有好多不同之處，雖然帶來唔少麻煩，但係就令世界變得更精彩，早前有調查發現女士們除咗比男人花更長時間整理外表，上床交歡時間女人就比男人多一日。網絡發展迅速，大家都會上網睇資訊，如果屋企有小朋友就應該注意，因為好多內容都涉及兒童色情資訊。喺日本生活節奏急促，工作壓力又大，搞到好多夫妻都鮮有做愛。
人生有三分之一時間用嚟睡眠回復體力，咁另外嘅三分之二時間用嚟做乜呢？小弟就幾乎將大部分時間用嚟工作，每日朝早起身返工，放工就返屋企食飯然後就上床瞓覺，到第二日又再返工。相信好多都市人亦同小弟一樣，好聽啲就係有規律，唔好聽就係生活刻板冇乜情趣，唔知大家喺過去一年裏做過乜呢？英國一個手錶品牌就為當地1,300名男女統計過去嘅一年當中，日子係點樣分配，仲發現男人同女人原來喺運用時間上有好大分別，例如女士每年花上6日做家居清潔，至於男士只係花4日；女士嘅睡眠時間比較少，只有66日，而男士就有80日咁多。至於做愛時間，女士花咗4日，又勝男人嘅3日一仗喇。調查負責人表示，呢一日之差相當重要，男士們應該反思一下自己喺床上係咪太急趕，如果可以花多少少時間做前戲，以及將整個做愛過程節奏放慢，相信可以令性生活更加美滿。
近年除咗電話騙案趨升，網絡罪行一樣持續增多以及變得多元化，不過大家就算唔會透過網絡有金錢交易，亦唔代表上網係完全安全喎。吓，躺着也會中槍？冇錯。最近有一個叫「2015 Cybercrime Tipping Point Report」主要係揭示網絡罪行統計，發現有四成人對於黑客入侵以及入侵式成人資訊漠不關心。另外，報告亦抽樣檢查咗4,000個喺網絡搵到嘅青少年色情圖片以及影片作為樣本，發現當中有93%係來自女仔，最驚人嘅係當中嘅演出者從外表睇起上嚟都似未成年！網上有咁多呢類兒童色情資訊，真係令人感到擔憂，大家真係要坐低傾吓點樣保護兒童，亦要諗辦法避免小朋友上網嘅時候接觸到呢類資訊喇。
早前小弟去日本旅行，抵達東京嘅時候順道相約移居當地嘅中學老友食飯敍舊。席間大家講起好多當年舊事，而小弟亦表示不知幾羨慕佢可以娶到個日本老婆，講到呢處朋友突然黯然靜默，然後佢就話日本嘅夫婦結咗婚一兩年後就好少做愛，幸福嘅日子唔會太長。朋友此話其實不無道理，國際知名嘅B字頭藥廠早前訪問咗824名已婚男女，希望了解一下日本夫婦嘅性生活狀況，受訪者當中有14.4%表示婚後做愛次數為兩星期一次，一個月一次就有18%，咁起碼都叫做有愛可做，然而為數最多，約為24.6%受訪者表示一年都冇做一次。嘩！咁點得o架！唔怪得日本嘅生育率持續下降啦！
撰文：賢