有啲嘢真係唔到大家唔羨慕，試諗吓一個有樣有身材嘅索女，仲要係個音樂達人兼夾歌唱能手，如此一個既有外在美又有內涵嘅靚女，叫人點可以唔羨慕不已呢？講緊嘅就係內地人氣模特兒李丁丁。呢位外表出眾、身材火辣嘅模特兒，更具備相當嘅音樂造詣，確係迷人到極點。
嚟自河南鄭州嘅李丁丁，原名李燕，英文名Baby，雖然佢今年27歲，但歲月並冇喺佢身上留下任何痕迹。先唔講佢嘅身材有幾咁前凸後趷，單睇佢嘅樣貌同白皙嘅皮膚，真係唔覺得佢係呢個年紀。可能有人會覺得呢個年齡，喺現時青春嫩模當道嘅內地模特兒界好似冇乜優勢，如果咁諗嘅話就大錯特錯！縱然佢唔算年輕，但係佢散發自內心嘅挑逗氣質，足以令男士神魂顛倒，更何況佢仲有一項必殺技，就係音樂才華。唔講唔知，原來佢畢業於上海音樂學院，不但精於樂理，歌喉更係一流。
事實上，現時丁丁喺電視台擔任文藝部藝術指導，以及出任電視台兒童藝術團嘅聲樂老師，絕對唔會因為模特兒工作，而埋沒自己嘅音樂才華。此外，丁丁經常為各種晚會擔任司儀，又演出電視劇及微電影，同時拍攝廣告，多元化嘅發展唔單止證明佢嘅實力，更證明佢有超卓嘅吸金能力。
要同時間兼顧咁多工作，難免令人懷疑丁丁其實有冇時間瞓覺呢？佢喺個人微博中解答咗呢個問題，而推動佢不斷努力工作嘅原因在於勤同宅兩個字。佢表示：「夢中童話會實現嗎？還是要實際的好好做自己要努力的一切。女人永遠不要懶惰。」意思即係與其等童話故事成真，不如好好咁努力工作，只要唔懶惰，就會有成功嘅一日，而呢段說話可以話係丁丁人生寫照。
雖然話勤力可以有機會達至成功，但係一日得24個鐘，縱然幾咁勤力都冇可能會有多啲嘅時間喎！呢個時候就要講吓佢嘅另一個座右銘，就係宅。原來佢一有時間就會留喺屋企休息，除咗瞓覺之外，就會花時間喺鑽研音樂同埋研究電影上。據佢講宅嘅好處就係唔使花咁多時間去應酬，反而可以專心於自己嘅興趣，並且可以趁機磨練一下演技。大家唔好以為佢吹水，實情係佢的確做到呢點，事關佢經常喺個人微博上分享自己嘅歌唱作品，最近佢就錄製咗一首歌並放上網，如果大家有興趣嘅話，可以去佢嘅個人微博，親耳聽吓佢嘅唱功，順便留言畀啲意見。
簡介：呢位名副其實人靚聲甜嘅索模李丁丁，早前喺個人微博上表示，如果粉絲人數能夠突破10萬嘅話，將會有「福利發放」。所謂福利係乜？有人推斷應該係性感寫真。如果想欣賞佢迷人無比嘅身材，仲唔即刻去佢嘅個人微博，成為其中一位粉絲？
網址：www.weibo.com/p/1005052500117012
出生地：河南鄭州
身高：168cm
三圍：35、25、33
撰文：魂