有人話結婚係男人嘅墳墓，不過由日本成人遊戲商「bootUP!」最新推出嘅十八禁遊戲《Hanitsuma Hs～婚禮結束後～》，就講述婚後生活原來可以性福無邊。男主角曉響係名門企業霧島重工嘅第三代繼承人，不過佢一直視呢個身份係一種包袱，為咗逃避父親嘅壓力，佢去到一個偏遠嘅城市生活，並得到迷人嘅家政保母兼人妻美里照顧。而美里嘅婚姻一直有問題，直至遇到曉響，佢決定同丈夫離婚，慢慢兩人關係愈嚟愈親密。點知呢個時候突然殺出一位自稱曉響未婚妻嘅索女駒葵，原來係曉響父親安排。起初曉響對駒葵相當反感，但經過相處之後，被對方熱誠又坦率嘅性格所吸引，並且解開曉響一直以嚟對家族嘅心結。面對兩位索女嘅愛，佢終於作出一個驚人嘅決定，就係兩個都娶晒做老婆！不過呢個只係故事嘅開始，事關婚後仲有一大堆問題要處理。如果想過住性福無比嘅生活，大家就要努力幫男主角解決問題喇！