為咗可以令情慾場面更加激動人心，日本嘅成人漫畫家好多時都會用誇張嘅線條，渲染出狂野嘅視覺衝擊，但係咪一定要咁做先至可以挑起大家嘅原始本能呢？未必！好似武田弘光以平實嘅畫風，亦做到相同效果，而今次介紹呢本《Ima‧Ria》，就係佢最新登場之作。
呢位畫風成熟又平實嘅成人漫畫家，其實早喺高中時期已經從事漫畫創作，並將個人作品喺網站上刊登。佢嘅畫風迷人，加上故事出色，故此被邀請加入同人社團，呢個社團就係遊戲公司「HOOK」嘅前身。不過由於佢對公司嘅決策不滿，及至2000年監督及設計成人遊戲作品《Orange Pocket》後，便離開公司轉為個人發展。而佢喺2007年6月開始，於青少年漫畫《Dragon Age Pure》連載作品《魔劍姬！》，到2009年5月轉至《月刊Dragon Age》連載至今。除此之外，佢喺成人漫畫畀及遊戲界亦有唔少人氣代表作，好似同人成漫作品《傲嬌好色》及成人遊戲嘅《雨後的貓們》、《陰險的怪妹妹》等。此外，佢嘅創作領域更伸至成人小說界，並推出《噗唧噗唧體驗入部 燈籠褲和水着公主》，以及成人畫集《武田弘光畫集 魔劍姬！艷》。多元化嘅創作，除咗證明佢創意無限外，亦因為佢好識得掌握男人鹹濕嘅本能，加上出色嘅畫功，令人氣愈嚟愈高。如果想了解佢內心嘅成人世界，梗係唔可以錯過佢呢本極具代表性嘅成漫作品《Ima‧Ria》。
武田弘光嘅漫畫有一個相當特別嘅風格，除咗筆下嘅女角色個個都係巨乳娘外，更鍾意加入純愛元素，令故事變成真正嘅「愛情動作」漫畫。呢本《Ima‧Ria》共有7個故事，包括系列故事《Ima‧Ria》、《Ima‧Ria Another Episode》、《Ima‧Ria Image Video》、《Ima‧Ria Adult Video》、《Ima‧Ria 粉絲感謝日》以及《紅花蕾的花》及《好好味》兩個獨立單元故事。當中最精彩嘅故事係《Ima‧Ria》，講述28歲男主角大島嘉數，係個靠做兼職維生嘅寫真偶像追星宅，佢嘅至愛就係出道冇耐，以純情形象極速冒起嘅水原穗波。某日，佢所住嘅公寓嚟咗一位新管理員，卻估唔到對方竟然係佢朝思暮想嘅水原穗波！原來穗波係個富家千金，表面上出於對公寓有某種感情，於是極力阻止母親將其拆卸，並做埋公寓嘅管理員，實際上卻係為咗報答粉絲大島嘉數，決定遷至公寓照顧佢。每晚性幻想同穗波曳曳嘅大島，擔心女神會討厭自己對佢有非分之想，於是抑壓自己嘅慾望。點知有晚佢返到公寓時，驚見穗波邊自娛邊大叫，興奮無比嘅大島邊偷睇邊舞槍，卻被穗波發現，跟住落嚟梗係兩人上床曳曳啦！原來大島有股調教癮，而被調教嘅穗波愈玩愈興奮，高潮一浪接一浪。不過後嚟嘅劇情卻急轉直下，原來大島一次喺公園同穗波接吻時被人偷拍，因此搞出軒然大波，之後嘅發展更係相當出人意表！如果大家想知兩人最後會發展成點，就唔可以錯過呢本肉感十足兼慾望爆發嘅作品。
《Ima‧Ria》
作者：武田弘光
出版：Wani Magazine
頁數：212頁
撰文：魂