香港人乜都要快，搭車要快、食飯要快，早幾年有調查話香港人做愛都特別快，係指完事得太快呀！其實，大家不妨將生活節奏放慢啲，體會一下身邊嘅人與事，感受一下慢活嘅樂趣。閱讀亦係一樣，無論係睇寫真定係性愛工具書，最好都係慢慢細意品嘗，欣賞美女嘅火辣胴體，了解書中嘅知識，話唔定可以令上床節奏都減慢，增強持久力添！
睇日本水着寫真，樂趣在於水着女優演出時散發出健康性感，雖然有人話始終都係鍾意睇全裸三點盡露嘅寫真，之不過，水着寫真其實亦有好多全裸鏡頭，好似佐藤聖羅推出嘅最新寫真集《清裸》就係其中之一喇。佐藤聖羅係日本美少女團體SKE48嘅前成員，退出團體之後單飛搵食，拍攝水着寫真乃係其主要工作之一。聖羅能夠喺水着界企穩陣腳，全因美貌過人，綺麗又具知性美嘅面孔相當吸引，加上G Cup火辣身材簡直迷死人！喺《清裸》中，聖羅去到海灘跑跑跳跳盡情展現活潑好動個性，仲不時展露甜美笑容，令人精神一振。而寫真集另一個注目點，係聖羅作全裸演出，雖然一點都冇露過，但係喺遮住三點嘅情況之下，令寫真帶神秘感之餘，一對G奶嘅豐滿感表露無遺，誘人指數高企！
書名：《清裸》
售價：約HK$190
生活節奏咁急促，連帶床上活動都快過人，相信不少色情男女都知道問題所在，無奈性事涉及對手，控制到自己又管理唔到對方，結果一次又一次，快快手搞掂，無癮！如果閣下都為急色過人而煩惱，其實首要解決非床上問題，應該由閱讀開始至啱，推介你睇呢本色慾小說《Slow Satisfaction》，故事講述男主角James潛藏內心嘅愉虐慾望一直無法實現，直至遇到女主角Karina，男方為滿足一己私慾，用盡甜言密語明示暗示向女方表白，無奈未曾試過愉虐性愛嘅Karina擔心會出事，加上男友咄咄逼人，令佢更為反感。之不過James根本被愉虐衝昏頭腦，每次上床歡愉時都希望可以撻着女方慾火，根本無諗過女友感受，最後女方無法忍受而提出分手。James喺分開期間思前想後，明白到急功近利只會愈走愈遠，決定施軟功，誓要軟化Karina，令對方主動要求被虐，自此定下目標，每日逐少逐少達成，果然皇天不負有心人，Karina久經James挑逗，終於將潛藏內心嘅慾望一次過爆晒出嚟，究竟佢哋係一鋪玩盡晒，定係愈玩愈多花臣呢？咁就要你自己睇喇，之不過故事就話畀大家知，唔想每次上床做完都係嘆息，咁先要學識歎「色」先得囉！
書名：《Slow Satisfaction》
售價：約HK$78
喺性愛中男人最怕聽到個「快」字，事關呢個字好容易令佢哋聯想到快槍手，你話叫人幾咁懊惱同沮喪呢？不過日本專業按摩師兼「M&W高潮研究所」所長亞當德永卻認為，快其實係一種才能，只係大家誤會咗快同慢之間嘅關係，先至會對快有所誤解，於是便根據自己嘅按摩理論及經驗，炮製出呢本名為《Slow Love慢慢愛：讓持久力大幅提升的超強秘訣》嘅著作。據佢講，喺活塞運動時動作唔夠快嘅話，好難令女伴達到高潮，之但係動作太快，卻好容易爆發，想喺兩者之中取得平衡，就要運用到穴位、呼吸等房中技巧，不但可以為男士解決早洩嘅煩惱，更可以延長作戰嘅持久力，等雙方都可以享受到極速活塞運動所帶嚟嘅樂趣，又唔使擔心因為超速而過早發射升空。不過呢啲只不過係練習嘅過程，作者認為最理想嘅性愛，男士應該擺脫發射嘅困惑，認為每次曳曳都唔一定要發射，並且唔會因為發射而影響高潮，聽起嚟真係好玄妙呀！
書名：《Slow Love慢慢愛：讓持久力大幅提升的超強秘訣》
作者：亞當永德
譯者：劉又菘
售價：約HK$70
撰文：賢、祖、魂