世上冇免費午餐？邊個話！喺紐約有一間係男人都識嘅娛樂場，每晚個個都玩到樂而忘返，確實免費有得你食！
呢間名叫Vivid Cabaret New York坐落於紐約核心區，三層超過26呎高樓底，過萬平方呎舞場，更有空中花園，場中有迴旋樓梯直達各層，中間更有通天鋼管由天花板一直滑到地下，三層娛樂區設有扒房、酒吧、舞池及包廂房，係城中著名豪華夜場，更係每年紐約鋼管舞大賽決賽場地。話時話，鋼管舞比賽不經不覺已舉辦咗10年，每年都吸引超過500位參賽者，雖然獎金只得5,000美元，但參賽者除咗想獲得獎金，更希望得到夜場老闆賞識。
個場咁豪華，又有索女表演鋼管舞，當然吸引到來自世界各地嘅玩家入場啦，但真正令玩家着迷唔只係為（目及）女，皆因呢間係一站式娛樂場，男女客人都照顧到，佢亦係睇波勝地，每逢有大型體育賽事，尤其係美國職業欖球賽，都會有大型活動舉辦，更加唔少得搵嚟索爆脫星或裸模擔任主持。另外，約三五知己坐低食飯飲嘢，呢度嘅扒房及酒吧必定滿足到你要求。星期一至日年終無休，晚上7點營業至凌晨4點，每段時間都有食有飲有騷睇，正到爆！最近新增優惠服務，只要喺官網預約，即可免費享用午餐，條件係至少每個人頭飲兩杯飲品，而酒水同一般酒吧價錢差不多，但可以欣賞到鋼管舞女郎點樣喺26呎高攬住條柱瀡落嚟，單係呢點已經值回票價啦！
撰文：祖