成日聽到啲男人問，點解啲女人咁貪靚？其實呢個問題真係好有問題，皆因個個男人都鍾意靚女囉！雖然話貪靚係女人嘅天性，但講到當中嘅極致，就不得不提內地新進女模霓梓心，呢位厚唇索女為咗保持靚樣同埋前凸後趷嘅身材，花咗勁多心機同時間呀！
作為一位新進模特兒，究竟呢位嚟自盛產美女四川成都嘅索模，有乜嘢優勢可以喺人才濟濟嘅模特兒界立足呢？現年22歲嘅霓梓心，網名iamVee，確實有佢獨到之處。論外形，佢樣貌俏麗又可愛，配上一雙電力十足又水汪汪嘅眼睛，本身已經係魅力非凡，加上迷人厚嘴唇，更係性感嘅典範，最重要係有一副玲瓏浮凸嘅魔鬼身材，絕對係男士心目中嘅性感女神；論內在，佢純情嘅氣質足以令男士心動，有時佢又會以超性感形象示人，以極具攻擊性嘅姿態撩動男人嘅原始本能，如此內外兼備嘅性感女模，叫人又點可能唔一見傾心？難怪梓心由出道以嚟推出嘅寫真集全部都大受歡迎，而網上寫真更係網民眼睛嘅焦點，單憑呢個優異成績，對一位出道冇耐嘅新人嚟講已相當唔錯，相信嚟緊佢會有更多演出機會。
雖然梓心嘅寫真集備受粉絲熱捧，但作為模界新人，最重要係吸納人氣，當人氣同知名度提升，機會自然接踵而嚟。至於有乜嘢方法可以有效咁提升人氣呢？有啲女模會選擇自製新聞，有啲則以裸露嚟製造話題，對於梓心嚟講，絕對唔會選擇呢啲旁門左道嘅手段，反而以平實嘅方法嚟提升人氣，方法就係透過微博同粉絲進行親切嘅互動，好似最近佢就同粉絲訴苦，話自己呢排胃口勁好，擔心會因此而令體重增加。見到女神訴苦，粉絲梗係即刻出招安慰，有人話食得是福，只要多啲做運動Keep Fit就得；有人就話女神肥啲都冇問題，因為咁樣仲靚女喎！縱然粉絲大派定心丸，不過阿妹梗係唔希望自己增磅，並喺網上坦言「一白遮三醜，一瘦遮七醜，一高遮百醜，一富遮千醜，一胖毀所有！」用以激勵自己，要保持最佳狀態示人。支持阿妹，加油呀！
對一位初出道嘅Model嚟講，家陣好似唔係咁多亮相機會，不過都只係暫時性，因為憑住佢出眾嘅外形同親民嘅性格，上位指日可待。
簡介：霓梓心嘅迷人豐厚嘴唇係佢嘅個人標記之一，點解話係之一呢？因為佢對激凸車頭燈，更係令人睇到流晒口水。當然，如果大家唔想咁膚淺只係（目及）阿妹呢兩個部位，可以透過微博深入認識佢不為人知嘅一面。
出生地：四川成都
身 高：167cm
三 圍：36、24、35
撰文：魂