陳寶拉金剛芭比

呢個世界有兩種女人,一種係鍾意受人追捧,另一種則係鍾意自嘲。前者源於自卑,後者則充滿自信,而對內地混血女模陳寶拉嚟講,就肯定係屬於後者。雖然佢自稱「金剛芭比」,但係佢並非一個大隻肌肉女,而係身材前凸後趷加上五官標致,絕對係男士心目中的性感尤物。

玲瓏浮凸

喺北京出生嘅21歲模特兒陳寶拉,英文名Polla,係中法混血兒,外號「金剛芭比」!乜嘢叫做「金剛芭比」呢?照字面解即係個樣好可愛,而全身肌肉感十足,內地網民仲有深入嘅定義,就係指五官精緻得嚟,擁有6塊或以上嘅腹肌,有深度健身嘅習慣,若然一個禮拜唔去健身,就會好焦慮咁不停摸自己個肚。此外,佢哋善於同女性朋友交際,比較獨立之餘,同時又排斥女裝等,但凡符合以上幾個要點,都可以稱為「金剛芭比」。不過從外觀上睇陳寶拉,好似唔係咁符合以上嘅條件,事關佢一啲肌肉感都冇,反而身材充滿玲瓏浮凸嘅體態美,尤其係一對激凸雙子峰,更係令男士為之着迷。睇埋佢條腰,尺寸啱啱好,既唔太過纖幼又夠晒肉感美,配合埋豐滿美股更係滲透出勻稱嘅味道,試問呢副身材加埋迷人五官,又點可以稱得上係「金剛芭比」呢?

個性獨立

雖然外觀上一啲都睇唔出佢同「金剛芭比」有咩關係,但從內在嚟睇嘅話,佢就符合晒條件,事關佢個性相當獨立,尤其係喺工作上更加如此,由決定接唔接Job,到點樣可以令工作變得更加圓滿,以及處理工作上嘅細節,佢都樂於親力親為。對於一位出道不過一年嘅模特兒嚟講,有如此成熟嘅工作能力,確實相當難得。佢之所以可以喺模特兒工作上游刃有餘,除咗因為佢對工作有熱誠同拚勁外,亦源自佢一份自信,故此佢不但知道邊類型嘅工作適合佢,亦敢於以大膽嘅性感造型示人,好似佢曾經扮演人氣網絡遊戲《英雄聯盟》(League Of Legends)中嘅女角色莫甘娜(Morgana),以超性感嘅大露出造型登場。憑住呢個火辣造型,不但令電玩迷為之雀躍,亦令佢嘅人氣喺網絡上火速上升,而呢個成績對新進嘅模特兒嚟講相當唔錯,佢喺模特兒界未來嘅發展,亦值得大家期待。

精彩推介

簡介:有別於一般嘅模特兒,陳寶拉仍未有個人微博同粉絲進行互動,不過咁樣並唔緊要,因為大家可以先從寫真了解一下佢嘅魅力,體驗到佢外柔內剛嘅迷人氣質。

網址:www.ugirls.com/Content/List/Magazine-125.html

陳寶拉Profile

出生地:北京

身高:171cm

三圍:36、27、37

撰文:魂