內地嘅模特兒可以細分成車模、乳模、腿模、手模等，因為每個模特兒都有佢精彩嘅部位。不過對於內地人氣女模王軼玲嚟講，卻同時可以兼任上述任何一種類型嘅模特兒，皆因佢每個部位都係咁吸引，難怪有完美女模之稱。
嚟自陝西漢中、英文名Elaine嘅王軼玲，早喺2010年從事模特兒工作，憑住高挑嘅身材，加上火辣嘅三圍，出道冇耐已經為人所熟悉，並且推出過唔少火辣寫真，而當中最令人印象深刻嘅係一輯以性感比堅尼上陣嘅寫真作品，不但將玲瓏浮凸嘅身材完美地展示喺大家眼前，一雙修長美腿更係誘人。喺寫真界累積嘅人氣，令佢終於得到站台嘅機會，於2010年以車模身份喺北京國際車展中亮相，其性感造型成為車展中嘅焦點之一。之後，佢經常喺時裝展、內衣展、婚紗展中表演，及以Cosplay女郎身份喺遊戲展上現身，甚至登上雜誌封面，足以證明佢外形幾咁出眾，配合不斷推出性感寫真集，令人氣愈嚟愈高。
頻頻喺媒體及展場騷中亮相嘅軼玲，雖然喺模特兒界嘅成績相當亮眼，但係原來佢最大嘅心願並非成為名模，而係希望能夠成為一位話劇演員。可能有人會覺得，作為一個模特兒乜識得演戲咩？仲要成為一個現場演出嘅話劇演員，係咪有啲大想頭呀？正所謂只要有恒心，乜都可以成真，軼玲就做到呢點，佢憑住實力獲得演出話劇嘅機會，縱然唔係擔當女主角，只係當時嘅佢已感到相當興奮，而為咗可以充分演繹出劇中角色嘅神髓，佢更拜訪過唔少演技導師，並且經過多番嘅練習，證明自己確有呢方面嘅能力。不過由於現時模特兒工作相當多，並且經常要到外地拍攝寫真關係，故此短時間內實難抽出時間演出話劇，惟有寄望阿妹未來可以演出之餘，仲能夠花多啲時間磨練演技。
簡介：王軼玲高挑嘅身材，加上前凸後趷嘅曲線，試問有邊個男人能夠抵擋得住佢嘅魅力？如果單憑外在美仍未令你心動嘅話，其實佢活潑樂天嘅性格，同樣相當令人着迷。想知道佢嘅私生活？咁就要去佢個人微博度睇吓喇！
出生地：陝西漢中
身高：176cm
三圍：35、25、35
撰文：魂